დევნილთა და განსახლების მინისტრი სოზარ სუბარი იმ დევნილ ახალგაზრდებს შეხვდა, რომლებიც LCC საერთაშორისო უნივერსიტეტის პროგრამის ფარგლებში, ინგლისური ენის შემსწავლელ უფასო კურსებს გადიან.

ლტოლვითა და განსახლების სამინისტროს ინფორმაციით, შეხვედრას ასევე ესწრებოდა ლიტვის სრულუფლებიანი ელჩი საქართველოში გიედრიუს პუოჯუნასი.

მათივე ინფორმაციით, ლიტვის LCC საერთაშორისო უნივერსიტეტმა დევნილ და ლტოლვილ ახალგაზრდებს ინტენსიური ინგლისური ენის შემსწავლელი პროგრამა შესთავაზა. პროგრამა განკუთვნილია ახალგაზრდებისთვის, რომლებიც მოტივირებულები არიან გაიუმჯობესონ ინგლისური ენის ცოდნა უმაღლესი განათლების მისაღებად როგორც საზღვარგარეთ, ისე საქართველოში.

წარმატებულ სტუდენტებს შესაძლებლობა ექნებათ, განაცხადი შეიტანონ და განათლების მიღება ლიტვის LCC საერთაშორისო უნივერსიტეტში სტიპენდიის პროგრამის დახმარებით გააგრძელონ.

შეხვედრაზე დევნილთა და განსახლების მინისტრმა სოზარ სუბარმა ლიტვურ მხარეს მადლობა გადაუხადა იმ შესაძლებლობისთვის, რასაც ისინი დევნილ და ლტოლვილ ახალგაზრდებს სთავაზობენ.

LCC საქართველოს პროგრამის დირექტორის, რობ უილსონის განცხადებით, პროგრამის მიზანია, ახალგაზრდებმა, რომლებსაც ომის გამო არ ჰქონდათ შესაძლებლობა სრულყოფილი განათლება მიეღოთ, გაიუმჯობესონ ინგლისური ენის ცოდნა, რათა მომავალში შეძლონ დასაქმება ან სწავლის გაგრძელება საზღვარგარეთ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს