სრულიად საქართველოს კათოლიკოს - პატრიარქმა, უწმინდესმა და უნეტარესმა ილია მეორემ თამარაშვილისა და ვარაზის ხევის დამაკავშირებელ გზაზე, ჭაბუა ამირეჯიბის გზატკეცილზე მდებარე კუნძულზე, დაღუპულთა ხსოვნის მემორიალთან პანაშვიდი გადაიხადა. 

პანაშვიდს პრემიერ მინისტრთან, გიორგი კვირიკაშვილთან, პირველ ვიცე-პრემიერთან, დიმიტრი ქუმსიშვილთან და მინისტრთა კაბინეტის სხვა წევრებთან ერთად თბილისის მერი დავით ნარმანია დაესწრო. 

დედაქალაქის მერის განცხადებით, ყოველი წლის 13-14 ივნისს მემორიალი იქნება შეკრების ადგილი, სადაც სტიქიის შედეგად დაღუპულთა ხსოვნას პატივს მიაგებენ.

 „დღეს მობრძანდა უწმინდესი, გადაიხადა პანაშვიდი თითოეული იმ ადამიანის სულის ხსოვნისთვის,რომლებიც ზუსტად ერთი წლის წინ აქ სტიქიას შეეწირნენ და ყოველთვის უნდა გავიხსენოთ მათი სახელები. ეს ადგილი იქნება სიმბოლო იმისა, რაც გულისხმობს ამ ადამიანების გახსენებას და თითოეული მათგანის სულის ხსოვნისთვის სანთლების დანთებას. 13-14 ივნისს, ტრადიციულად, აქ იქნება შეკრების ადგილი, სადაც მოვალთ და ყოველთვის გავიხსენებთ მათ სახელებს,“- განაცხადა დავით ნარმანიამ

პანაშვიდს ვიცე-მერი ლაშა აბაშიძე, მერის მოადგილე გიორგი ლილუაშვილი, საკრებულოს თავმჯდომარე გიორგი ალიბეგაშვილი, ვაკისა და საბურთალოს რაიონების გამგებლები და დეპუტატები ესწრებოდნენ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს