2015 წლის 13 ივნისის ტრაგედიის შედეგად, დაზიანებული თბილისის მუნიციპალიტეტის ტანვარჯიშის  განვითარების სპორტული ცენტრის სრული რეაბილიტაცია განხორციელდა.

ცენტრის აღსადგენად „ვითიბი ბანკმა“  1 მილიონ 200 ათასი ლარი გამოყო.

აღნიშნული თანხით დაფინანსდა  შენობის სარემონტო სამუშაოები და თანამედროვე საერთაშორისო სტანდარტების სპორტული  სამუშაოები და თანამედროვე საერთაშორისო სტანდარტების სპორტული  ინვენტარის შეძენა.

როგორც ჟურნალისტებთან საუბრისას „ვითიბი ბანკის“ გენერალურმა დირექტორმა არჩილ კონცენლიძემ აღნიშნა, „ვითიბი ბანკი“ 2014 წლიდან არის ფედერაციის გენერალური სპონსორი.

„თბილისში ერთი წლის წინ დატრიალებულმა ტრაგედიამ პრაქტიკულად მთლიანად გაანადგურა ტანვარჯიშის  ფედერაციის შენობა. „ვითიბი ბანკი“ 2014 წლიდან არის ფედერაციის გენერალური სპონსორი.  ამიტომაც გადავწყვიტეთ  გამოგვეხატა ჩვენი თანადგომა და სრულად დავაფინანსეთ აღდგენითი სამუშაოები და ახალი საერთაშორისო სტანდარტების სპორტული ინვენტარის შეძენა. აღნიშნულ პროექტზე „ვითიბი ბანკი“-ის მიერ  1  მილიონ  200 ათასი ლარი გამოიყო. მოხარულები ვართ, რომ 1 წლის თავზე განახლებულ სპორტულ ცენტრში ათასამდე სპორტსმენს და მოზარდს ვარჯიშის შესაძლებლობა მიეცათ“,-განაცხადა კონცენლიძემ.

ცნობისთვის, „ვითინი ბანკი“ 2014 წლიდან არის საქართველოს ტანვარჯიშის ფედერაციის გენერალური სპონსორი. განახლებულ ტანვარჯიშის განვითარების სპორტულ ცენტრს „ვითიბი არენა“ ეწოდა.

სპორტულ ცენტრში განთავსებულია მხატვრული და სპორტული ტანვარჯიშის დარბაზები. ცენტრი ყოველდღიურად ათასამდე ბენეფიციარს ემსახურება, აქედან უფასო მომსახურებით 57 სოციალურად დაუცველი მოზარდი სარგებლობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს