საქართველოს კულტურისა და ძეგლთა დაცვის მინისტრისთვის გაუგებარია, რატომ უყურებდნენ სკეპტიკურად ბათუმში გამართულ MAROON 5-ის კონცერტს კერძო სექტორის წარმომადგენლები.

როგორც გიორგაძემ ჟურნალისტებს განუცხადა, ხარვეზების ერთ-ერთი მიზეზი სწორედ ეს იყო.

„ალბათ, გახსოვთ სხვადასხვა წყაროდან გარკვეული სკეპტიციმი ამ ღონისძიებასთან დაკავშირებით. ჩვენ სულ ვამბობდით რომ ძალიან ბევრი ადამიანი ჩავა. 40 ათასამდე ვიზიტორი ჩავიდა ბათუმში. კოორდინაცია იყო ძალიან ინტენსიური, კომუნიკაცია - ყოველდღიური. მე არ მგონია, რომ ის სირთულეები რაც შეიქმნა, იგივე ვთქვათ კვების ობიექტებთან დაკავშირებით, კოორდინაციის ბრალი იყო, უბრალოდ თავად კერძო სექტორი უფრო მომზადებული უნდა დახვედროდა ამას.

გარკვეული სკეპტიციზმი ალბათ, არსებობდა ამ სექტორშიც. თუმცა, ჩემთვის გაუგებარია, რატომ არ სჯეროდათ რომ ნამდვილად ამდენი ადამიანი ჩავიდოდა ბათუმში, რადგან გაყიდული ბილეთების რაოდენიბიდანაც ჩანდა ეს ძალიან კარგად, პატარა სასტუმროები იყო გდავსებული და დაკონსერვებული მშენებლობებიც კი გაიხსნა“ - განაცხადა გიორგაძემ და დასძინა, რომ ქვეყნისთვის ეს პოზიტიური გამოცდილებაა.

მინისტრის შეფასებით,  დიდი ღონისძიების ჩატარებისას მსგავსი ხარვეზები  შესაძლოა, განვითარებულ ქვეყნებშიც დაფიქსირდეს.

 „გარწმუნებთ, რომ ყველა არც ისე დიდ ქალაქში, განვითარებულ ქვეყნებშიც, როცა დიდი ღონსძიებები ტარდება, გარკვეული შეფერხებები ერთდროულად დიდი რაოდენობის ადამიანების ჩასვლისას ფიქსირდება. ამისგან დაზღვეული არავინ არ არის. ჩვენ ვიძენთ გამოცდილებას. მომავლში კიდევ უფრო მომზადებული დახვდება ბათუმი, ან სხვა ქალაქი ღონისძიებას. დახვეწის პროცესი შესაძლოა, უსასრულოდ გაგრძელდეს. მთავრია, ჩვენ ვისწავლოთ საკუთარ გამოცდილებაზე“, - განმარტა მიხეილ გიორგაძემ.

რაც შეეხება პრემიერ-მინისტრის ინიციატივას  სპეციალური კომპანიის ჩამოყალიბების შესახებ, რომელიც საჯარო და კერძო სექტორს შორის პარტნიორობის მოდელი იქნება. გიორგაძის განცხადებით,  კულტურის სამინისტრო ამ კონცეფციაზე ეკონომიკის სამინისტროსთან ერთად მუშაობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს