საქართველოს პირველი ლედი მაკა ჩიჩუა ბრიუსელში ვიზიტისას განსაკუთრებული საჭიროებების მქონებავშვთა სპეციალიზებულ ცენტრს „ლა კლერიეს" ეწვია.

პრეზიდენტის ადმინისტრაციის პრესსამსახურის ინფორმაციით, პირველ ლედის ცენტრის გენერალურმა მდივანმა ვენსან სტანიერმა უმასპინძლა.

მათივე ცნობით,  შეხვედრისას მაკა ჩიჩუასასწავლებლის სპეციფიკითა და იმ მეთოდებით დაინტერესდა, რომლებითაც ცენტრში სწავლება მიმდინარეობს.

ცენტრში ფუნქციონირებს სკოლა და ხელოვნების ცენტრი, სადაც სპეციალურად მომზადებული, სამასზე მეტი პედაგოგია დაკავებული, რათა ბავშვებს საჭირო  დახმარება გაუწიონ.

„ეს საოცრად შთამბეჭდავი ადგილია, რომელიც კომპლექსურ მომსახურებას უწევს ბავშვებს. ამ ცენტრშიმშობლებს მოჰყავთ ბავშვები და მთელი დღის განმავლობაში აქვთ შესაძლებლობა დაკავდნენ სხვადასხვა აქტივობებით, რომელიც ხელს უწყობს მათ განვითარებას.

ცენტრის ტერიტორიაზე ასევე ფუნქციონირებს სავარჯიშო მოედანი და საცურაო აუზი, სადაც ბავშვები ფიზიკურ მომზადებას გადიან, რაც ასევე ძალიან მნიშვნელოვანია მათი განვითარებისათვის.

ეს არის სრულფასოვნად აღჭურვილი ძალიან კარგი სკოლა, რომელსაც  98 % -ით სახელმწიფო აფინანსებს",-აღნიშნა პირველმა ლედიმ.

შეხვედრის დასრულების შემდეგ პირველმა ლედიმ სკოლის ტერიტორია დაათვალიერა და ცეტრის ხელმძღვანელს სამახსოვრო საჩუქარი გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს