თურქეთში საქართველოს საელჩოს ორგანიზებით, ბურსას გემლიქის რაიონის სოფელ ჰაიდარიეს  ეროვნულ პარკში ჩატარდა რიგით მე-4 ტრადიციული „ქართული სახალხო ზეიმი" , რომელიც საქართველოს დამოუკიდებლობის აღდგენის 25 წლისთავს მიეძღვნა.

როგორც „ექსპრესნიუსს“ საგარეო საქმეთა სამინისტროდან აცნობეს, ღონისძიება თურქეთში საქართველოს საგანგებო და სრულუფლებიანი ელჩის, ირაკლი კოპლატაძის მისასალმებელი სიტყვით გაიხსნა.

უწყების ცნობით, სიტყვით გამოსვლის შემდეგ, ელჩმა საელჩოს სახელით ზეიმის ორგანიზატორებსა და მონაწილეებს ქართული ანბანი, ქართული კალენდარი, CD ქართული ენის შესახებ, ქართულ-თურქული დროშებით გაფორმებული სამკერდე ნიშნები და სამახსოვრო სიგელები გადასცა.

ოფიციალური ნაწილის შემდგომ გაიმართა საზეიმო კონცერტი, რომელშიც მონაწილეობა მიიღეს  სტამბოლის ქართული ხელოვნების სახლის ცეკვის ანსამბლმა „კავკასიის მთები",  ინეგოლის და ორჰანგაზის ბავშვთა ცეკვის ანსამბლებმა.

ღონისძიების ფარგლებში, სტამბოლის, ინეგოლის, საქარიას, დუზჯეს, ანკარისა და სხვა რეგიონის ქართულ სათვისტომოებს წარმოდგენილი ჰქონდათ კუთხე საქართველოს დროშებითა და ქართული წარწერებით.

თურქეთში საქართველოს საელჩოს მიერ გამართულ ღონისძიებას თურქეთის პარლამენტის ბურსას დეპუტატი მმართველი პარტიიდან, ისმაილ აიდინი, მხარის გუბერნატორი,  გემლიქის მერი, დიასპორის საკითხებში საქართველოს სახელმწიფო მინისტრის აპარატის ანალიზისა და დაგეგმვის დეპარტამენტის უფროსი, თემურ ტარტარაშვილი, საქართველოს ახალგაზრდა ელჩი თურქეთში, სოფო წკრიალაშვილი, ქართული კულტურისა და სხვა დაინტერესებული სამეცნიერო წრეების წარმომადგენლები დაესწრნენ.

აღსანიშნავია, რომ „ქართულ სახალხო ზეიმს" 3000-ზე მეტი სტუმარი ეწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს