საქართველოს ეროვნულმა საფეხბურთო ნაკრებმა მადრიდში ისტორიული გამარჯვება მოიპოვა, ვალადიმერ ვაისის გუნდმა "ალფონსო პერესის" სახელობის სტადიონზე ევროპის მოქმედ ჩემპიონს, ესპანეთის ნაკრებს 1:0 მოუგო.

ამხანაგურ მატჩში გოლი თამაშის მე-40 წუთზე ჯაბა ჯიღაურის პასით თორნიკე ოქრიაშვილმა გაიტანა.საგოლე ეპიზოდი ვაკო ყაზაიშვილმა წამოიწყო, მან ესპანელთა შეტევა ჩაჭრა, სწრაფი შეტევა წამოიწყო, ესპანელებმა ქართველი ფეხბურთელი თითქოს შეაჩერეს, თუმცა შეტევა ჯაბა ჯიღაურმა გააგრძელა, საბოლოოდ კი ისტორიული გოლო თორნიკე ოქრიაშვილმა გაიტანა.

ესპანეთის ნაკრები მოედანზე ასეთი შემადგენლობით იყო: დე ხეა, ხუანფრანი (ბელერინი 46), პიკე, რამოსი (სან ხოსე 46), ალბა, ბუსკეტსი (პედრო 76), ტიაგო ალკანტარა (კოკე 46), ვასკესი (დავიდ სილვა 62), ფაბრეგასი (ინიესტა 46), ნოლიტო, ადურისი მთავარი მწვრთნელი: ვისენტე დელ ბოსკე.

საქართველოს ნაკრების შემადგენლობა კი ასეთი იყო: რევიშვილი (კვასხვაძე 55), ლობჟანიძე, კვირკველია, კაშია, ამისულაშვილი, ნავალოვსკი (კობახიძე 84), აბურჯანია (ცისკარიძე 78), ჯიღაური, ყაზაიშვილი (ჭანტურია 72), ოქრიაშვილი, დვალიშვილი (ქვილითაია 72) მთავარი მწვრთნელი: ვლადიმირ ვაისი

წინა ამხანაგური თამაში საქართველოს ნაკრებმა რუმინელებთან 5:1 წააგო, ხოლო ესპანეთმა სამხრეთ კორეა გაანადგურა 6:1

აღსანიშნავია, რომ საქართველოს ასეთი დონის გრანდთან მატჩი არასოდეს არ მოუგია. ხოლო ესპანეთს საკუთარ მოედანზე მატჩი მხოლოდ ერთხელ ჰქონდა წაგებული უკანასკნელი 10 წლის განმავლობაში, ესპანეთის ნაკრების დამარცხება შარშანწინ გერმანიამ მოახერხა, მაშინაც ანგარიში 0:1 დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს