სახელმწიფო უსაფრთხოებისა და კრიზისების მართვის საბჭოს კოორდინაციით, საქართველოს შინაგან საქმეთა და თავდაცვის სამინისტროების მხარდაჭერით, შინაგან საქმეთა სამინისტროს აკადემიაში ევროკავშირის ერთიანი უსაფრთხოებისა და თავდაცვის პოლიტიკის საორიენტაციო კურსი გაიხსნა.

ღონისძიებაში, რომელიც 6 და 7 ივნისს კონფერენციის ფორმატში ჩატარდება და 10 ივნისს დასრულდება, ევროკავშირის წევრი და პარტნიორი ქვეყნების წარმომადგენლები მონაწილეობენ.

კონფერენციისა და სასწავლო კურსის თემატიკა შეეხება ევროკავშირის უსაფრთხოების პოლიტიკას, რომელიც მოიცავს კიბესუსაფრთხოების, არალეგალური მიგრაციის, ტერორიზმისა და ჰიბრიდული საფრთხეების თემებს.

კონფერენცია სახელმწიფო უსაფრთხოებისა და კრიზისების მართვის საბჭოს მდივანმა, მინდია ჯანელიძემ გახსნა. სიტყვით გამოვიდნენ ვროკავშირის კრიზისების მართვისა და დაგეგმარების დირექტორატის თავმჯდომარე გაბორ იკლოდი, კიასტუტის იანკაუსკა საქართველოში ევროკავშირის სადამკვირვებლო მისიის ხელმძღვანელი,კურსების ხელმძღვანელი იოჰენ რელი, საქართველოს სხვადასხვა უწყების მაღალი თანამდებობის პირები.

აღსანიშნავია, რომ ევროკავშირის ერთიანი უსაფრთხოებისა და თავდაცვის თემაზე პირველი მაღალი დონის კონფერენცია ჩატარდა სახელმწიფო უსაფრთხოებისა და კრიზისების მართვის საბჭოს ორგანიზებით 2015 წლის დეკემბერში. ევროკავშირის ერთიანი უსაფრთხოებისა და თავდაცვის პოლიტიკაში ჩვენი ქვეყნის ჩართულობის კიდევ უფრო გაღრმავებას უწყობს ხელს.      

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს