"ემოციებს ვერ ვმალავ. ქართველი მაყურებელი საუკეთესო მაყურებელია მსოფლიოში", - სპეკტაკლის დასრულების შემდეგ, ეს განცხადება ჟურნალისტებთან რუსმა მსახიობმა, მაქსიმ ავერინმა გააკეთა. 

რუსთაველის თეატრში მსახიობი ქართველი მაყურებლის წინაშე სპექტაკლით ”ყველაფერი სიყვარულით იწყება’’ წარსდგა. 

მაქსიმ ავერინი საქართველოში საქველმოქმედო აქციის ფარგლებში ”შენ, მე, ჩვენ - ერთად სიცოცხლისთვის“ ფარგლებში ჩამოვიდა.

სპეკტაკლი თეატრში სრული ანშლაგით ჩატარდა. მსახიობმა ქართველ მაყურებელს საკუთარი ბიოგრაფია მოუყვა, არტისტის ბედზე ესაუბრა, იმღერა, იცეკვა, ლექსები წაიკითხა. ავერინმა, ქართველ მაყურებელს მისი საყვარელი მსახიობი ლუდმილა გურჩენკო და საყვარელი მუსიკოსი და პოეტი, ვლადიმერ ვისოცკი გაახსენა. 

ღონისძიება საქართველოს კულტურის პალატის ორგანიზებითა და თბილისის მერიის კულტურული ღონისძიებების ცენტრის მხარდაჭერით ჩატარდა. ორგანიზატორების ინფორმაციით, ღონისძიებიდან შემოსული თანხა გაჭირვებულთა დახმარების ფონდში გადაირიცხება. 

"ამას იმიტომ არ ვამბობ, რომ ახლა საქართველოში ვარ. ეს საუკეთესო ქვეყანაა. შეყვარებული ვარ საქართველოზე, ქართველ მაყურებელზე, აქაური სურნელიც კი მიყვარს. დიდი მადლობა სითბოსთვის, სიყვარულისთვის და ასეთი დახვედრისთვის. პოლიტიკოსმა ბიჭებმა ითამაშონ თავიანთი თამაშები, ჩვენ ვაკეთოთ ჩვენი საქმე - ჩვენ ქვეყნებს შორის მეგობრობა გრძელდება და ამას ვერავინ და ვერაფერი შეუშლის ხელს", - განაცხადა ავერინმა. 

მაქსიმ ავერინის საღამო რუსთაველის თეატრში, დღეს 20:00 საათზეც გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს