ბავშვთა საერთაშორისო დღესთან დაკავშირებით, საბურთალოს რაიონში ცენტრალური ღონისძიებები ვასო გოძიაშვილის სახელობის ბაღში გაიმართა.

თბილისის მერიის ინფორმაციით,  საცირკო წარმოდგენები, ანიმატორების შოუ, საბავშვო სიმღერებისა და ცეკვების კონცერტი, სახეზე ხატვა, ბავშვთა ნამუშევრების გამოფენა და კიდევ - ეს სანახაობა გოძიაშვილის პარკში მისული სტუმრებისათვის მთელი დღის განმავლობაში იმართებოდა. პატარა სტუმრებისათვის მოეწყო ფერადი ატრაქციონები. 

მათივე ცნობით, საბურთალოს რაიონის გამგეობის ორგანიზებით, სპეციალური საჩუქრები გადაეცათ რაიონში რეგისტრირებული სოციალურად დაუცველი ოჯახების შვილებს. პარკში მისულ პატარებს უფასო ნაყინით კომპანია „თოლია“, ხოლო სპეციალური მენიუთი „მაკდონალდსი“ გაუმასპინძლდა.
ღონისძიებას ესწრებოდა გამგებლის მოადგილე გაიოზ ვასაძე, რომელმაც ყველა პატარას მიულოცა მათი უფლებების დაცვის საერთაშორისო დღე.

„საბურთალოს რაიონის გამგეობის სახელით, ყველა პატარას მინდა მივულოცო ბავშვთა საერთაშორისო დღე.ამ არაჩვეულებრივი ღონისძიებებით, მრავალფეროვანი შოუ-პროგრამით, ჩვენ კიდევ ერთი ლამაზი დღე ვაჩუქეთ ჩვენს პატარებს,“ - განაცხადა გაიოზ ვასაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს