პარლამენტის რიგგარეშე სხდომები 3-4 ივნისს გაიმართება. ამის შესახებ პარლამენტის თავმჯდომარე დავით უსუფაშვილმა ბიუროს სხდომაზე განაცხადა.

როგორც აღინიშნა,  რიგგარეშე სხდომაზე სხვა საკითხებთან ერთად, "საკონსტიტუციო სასამართლოს შესახებ" კანონთან დაკავშირებით, პრეზიდენტის მიერ პარლამენტისთვის გადაგზავნილი მოტივირებული შენიშვნები განიხილება.

"მოგეხსენებათ, საქართველოს პრეზიდენტმა ისარგებლა კონსტიტუციით მისთვის მინიჭებული უფლებამოსილებით და პარლამენტის მიერ მიღებული კანონპროექტი დაუბრუნა პარლამენტს თავისი შენიშვნებით. ასეთ შემთხვევაში საქართველოს პარლამენტი კონსტიტუციის შესაბამისად, იხილავს  პრეზიდენტის შენიშვნებს და უყრის კენჭს მას. პარლამენტი უფლებამოსილია, არ გაიზიაროს პრეზიდენტის შენიშვნები და განმეორებით კენჭისყრით დაადასტუროს თავის მიერ ადრე მიღებული ტექსტისთვის მხარდაჭერა. ასე რომ, ჩვენ ეს პროცედურები ამ მოწვევის  პარლამენტის პირობებში განსაკუთრებით კარგად გვაქვს ათვისებული, ვეტო და მასთან დაკავშირებული საკითხები. პროექტი უნდა გადაეცეს კომიტეტს, რომელმაც პროექტი მოამზადა პარლამენტში განხილვისთვის", - განაცხადა დავით უსუფაშვილმა.

ბიუროს გადაწყვეტილებით, "საკონსტიტუციო სასამართლოს შესახებ" კანონპროექტი ადამიანის უფლებათა დაცვის კომიტეტს გადაეცა და მას დაევალა, იგი რიგგარეშე სხდომაზე განსახილველად მოამზადოს.

"ანუ, ჩაატაროს კომიტეტის სსდომა და განიხლოს აღნიშნული შენიშვნები", - განმარტა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება