სამხრეთ აფრიკის რესპუბლიკაში საქართველოს საელჩომ, საქართველოს დამოუკიდებლობის აღდგენის 25 წლისთავთან დაკავშირებით საზეიმო მიღება გამართა.

საგარეო საქმეთა სამინისტროს ინფორმაციით, მიღებაზე დამსწრე საზოგადოებას სიტყვით მიმართა საქართველოს საგანგებო და სრულუფლებიანმა ელჩმა ბექა დვალმა. მან ყურადღება გაამახვილა  დამოუკიდებლობის აღდგენის შემდეგ ქვეყანის მიღწევებზე და აღნიშნა, რომ  საქართველოს სურს განამტკიცოს პარტნიორული კავშირები სამხრეთ აფრიკასთან და სხვა აფრიკულ ქვეყნებთან.

სამხრეთ აფრიკის ხელისუფლების სახელით, დამსწრეთ მისალოცი სიტყვით მიმართა და სამხრეთ აფრიკის ხელისუფლების გზავნილი გადასცა სამხრეთ აფრიკის უმაღლესი განათლების სამინისტროს გენერალური დირექტორის მოადგილემ ფიროზ პატელმა.

საღამოს მსვლელობისას, ნიუ-იორკში მოღვაწე გამოჩენილმა ქართველმა პიანისტმა დავით ალადაშვილმა შეასრულა უცხოელი და ქართველი კლასიკოსების, მათ შორის, ლაღიძის და კვერნაძის ნაწარმოებები.

საქართველოს დამოუკიდებლობის აღდგენის დღესთან დაკავშირებით გამართულ მიღებაზე დამსწრე მრავალრიცხოვან სტუმრებს შორის იყვნენ სამხრეთ აფრიკის საერთაშორისო ურთიერთობებისა და თანამშრომლობის დეპარტამენტის და სამხრეთ აფრიკის სხვა სახელმწიფო სტრუქტურების წარმომადგენლები, ელჩები და დიპლომატიური კორპუსის წევრები, ბიზნეს ორგანიზაციების და აკადემიური წრეების, ასევე, ადგილობრივი მედიის წარმომადგენლები და სამხრეთ აფრიკაში მყოფი ქართველები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს