|
2026-11-18 12:49:17, 265 ნახვა
საზოგადოება
ღამით დასახლებულ პუნქტებში ავტომობილების ხმაურის დასაშვები ზღვარი გაიზარდა
დასახლებულ პუნქტებში ღამით ავტომობილების ხმაურის დასაშვები ზღვარი 80-დან 100 დეციბელამდე გაიზარდა. შინაგან საქმეთა სამინისტროს ცნობით, ახალი ზღვარი 23:00-დან 08:00 საათამდე მოქმედებს. ჯარიმები უცვლელია. ზღვრის გადაჭარბებისთვის მძღოლს 100 ლარით აჯარიმებენ და მართვის მოწმობაზე 10 ქულას აკლებენ. განმეორებითი დარღვევისას ჯარიმა 200 ლარია და მძღოლს 20 ქულა აკლდება, მესამე და ყოველი მომდევნო დარღვევისას კი ჯარიმა 300 ლარია და მძღოლს 30 ქულა აკლდება. პოლიცია ხმაურს პორტატიული საზომი მოწყობილობით ამოწმებს. ხმაურის დონის მონიტორინგს პოლიციის უფლებამოსილი თანამშრომლები ISO 5130:2019 საერთაშორისო სტანდარტის სერტიფიცირებული, პორტატული ხმაურმზომებით ახორციელებენ. გაზომვა ტარდება გაჩერებულ ავტომობილზე, მაყუჩიდან 0.5 მეტრის დაშორებით. 2026 წლის 1-ლი სექტემბრიდან ამოქმედებული 80-დეციბელიანი შეზღუდვის შემდეგ, ავტომფლობელებმა რამდენიმე საპროტესტო აქცია გამართეს. მათი პროტესტისა და მთავრობასთან კონსულტაციების შემდეგ, ზღვრის 100 დეციბელამდე აწევის გადაწყვეტილება იქნა მიღებული. მძღოლების თქმით, 80 დეციბელი ზედმეტად მკაცრი ნორმა იყო და ამ ზღვარს ბევრი ქარხნული სტანდარტის მქონე ავტომობილი თუ მოტოციკლიც კი აჭარბებდა. აქციის მონაწილეები აპროტესტებდნენ შემოწმების წესს, რომლის მიხედვითაც სტაციონარულ მდგომარეობაში მყოფი მანქანის მაყუჩიდან 0.5 მეტრში ხდებოდა გაზომვა. მათი შეფასებით, ეს სტანდარტი არასწორ შედეგებს იძლეოდა.
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
უკრაინამ კრასნოდარის მხარეში ორ მსხვილ ნავთობგადამამუშავებელ ქარხანას თვის დასაწყისიდან მეორედ შეუტია
RP: რუსეთი პოლონეთში მასშტაბური დივერსიული თავდასხმას ამზადებდა, რათა უკრაინა დაედანაშაულებინა
ოპოზიციონერი პოლიტიკოსი მატან კაჰანა ისრაელის ქნესეთის სპიკერი გახდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: მარიამ იმერლიშვილი, ექსპრესნიუსის რეპორტიორი 2020 წლიდან



