ესპანეთის პრემიერ-მინისტრმა პედრო სანჩესმა კომენტარი გააკეთა აშშ-ის არჩევნების შედეგებზე.

„გუშინ ამერიკულმა საზოგადოებამ ხმა მისცა იმ პოლიტიკის წინააღმდეგ, რომელიც მხოლოდ გაღარიბებას იწვევს. სიძულვილის წინააღმდეგ. სექსიზმის წინააღმდეგ. კლიმატის ცვლილების უარყოფისა და ელიტური პრივილეგიების წინააღმდეგ. ეს მოხდა ბრაზილიაში. ეს უბრალოდ მოხდა აშშ-ში. და ეს მალე მოხდება ესპანეთში“, - დაწერა ესპანეთის პრემიერ-მინისტრმა სანჩესმა თავის X-ანგარიშზე აშშ-ის შუალედური არჩევნების შედეგებთან დაკავშირებით.

ესპანეთში ვადამდელი საპარლამენტო არჩევნები 29 ნოემბერს გაიმართება. პარლამენტის დათხოვნისა და კენჭისყრის ახალი თარიღის დანიშვნის გადაწყვეტილება გამოცხადდა მიმდინარე წლის ოქტომბრის დასაწყისში, მასშტაბური ეკონომიკური და საბინაო კრიზისის, ასევე არაერთი კორუფციული სკანდალის ფონზე. მთავარი ბრძოლა სამ პარტიას შორის განვითარდება: სანჩესის სოციალისტური მუშათა პარტია (PSOE), ქვეყნის მთავარი ოპოზიციური ძალა, ნუნიეს ფეიხოოს მეთაურობით სახალხო პარტია (PP) და ულტრამემარჯვენე Vox პარტია, რომელსაც აბასკალი ხელმძღვანელობს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რა არის „ლურჯი ცუნამი“ და რატომ ხდება იგი აშშ-ს შუალედურ არჩევნებზე

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები