4 ოქტომბრის საორგანიზაციო კომიტეტის წევრებმა - მურთაზ ზოდელავამ და ლაშა ბერიძემ საპროცესო შეთანხმების საფუძველზე პენიტენციური დაწესებულება დატოვეს.

ციხიდან გამოსვლის შემდეგ, ორივე მათგანმა მედიასთან კომენტარი გააკეთა. მურთაზ ზოდელავამ განაცხადა, რომ მას პოლიტიკური გეგმები არ აქვს და საკუთარ თავს პოლიტიკაში ვერ ხედავს.

"[4 ოქტომბერზე] მე პასუხისმგებლობა ავიღე და სასჯელიც მოვიხადე [...] პასუხისმგებლობა მქონდა და ახლაც მაქვს - მარტივი არაა, როცა შენ რაღაცას მოუწოდებ და ამის შემდეგ ათეულობით ადამიანი ციხეში აღმოჩნდება. ეს მძიმე პასუხისმგებლობაა, რომელსაც ახლაც ვგრძნობ. ამიტომაც მოვუწოდებდი მათ, რომ საპროცესო შეთანხმებით ესარგებლათ და მიხარია, რომ უმრავლესობამ ეს გააკეთა [...] ყველაფერი, რაც მე გავაკეთე, ეს 4 ოქტომბერს იყო, მანამდე თუ შემდეგ, ჩემი გადმოსახედიდან, ჩემი ქვეყნისთვის გავაკეთე [...]

არანაირი პოლიტიკური გეგმები არ მაქვს, ცხადია. ბევრი მიზეზის გამო. ციხეში 50 წლის გავხდი, ბავშვიც არ ვარ, ამიტომ რაღაც გადაფასებები ხდება, ადამიანი ბევრ რამეზე ფიქრობს. მე ჩემს თავს პოლიტიკაში ვერ ვხედავ, ყოველ შემთხვევაში და ეს, რა თქმა უნდა, არ უკავშირდება არანაირ საპროცესო შეთანხმებას, იმიტომ, რომ ეს შეთანხმება უბრალოდ ბრალის აღიარებას დაეფუძნა და არა ვინმესთან რაიმე პირობებს". - თქვა ზოდელავამ.

ლაშა ბერიძემ კი თქვა, რომ მისი აზრით, 4 ოქტომბერი შედგა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

რა არის „ლურჯი ცუნამი“ და რატომ ხდება იგი აშშ-ს შუალედურ არჩევნებზე

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები