ტრამპის ადმინისტრაცია ცდილობს რუსული გაზის მიწოდების სწრაფ აღდგენას ევროპაში უკრაინის გავლით, განუცხადეს The Wall Street Journal-ს (WSJ) ამერიკელმა, ევროპელმა და უკრაინელმა ოფიციალურმა პირებმა. მათი თქმით, ეს თემა განიხილეს სექტემბერში გამართულ მოლაპარაკებებზე, ზამთრის წინ „ენერგეტიკული ზავის“ ფარგლებში.

ტრამპის სპეციალური წარმომადგენლების, სტივ ვიტკოფისა და ჯარედ კუშნერის მიერ გაჟღერებული იდეის თანახმად, რუსული გაზი ამერიკელი შუამავლის მეშვეობით იყიდება. ეს თავიდან აიცილებს ევროპულ სანქციებს და შექმნის მომგებიან შესაძლებლობებს აშშ-ში ინვესტორებისთვის. რუსეთის შემოსავლები ჩაირიცხება მესამე ქვეყანაში არსებულ ესქრო ანგარიშზე, რათა მოსკოვმა არ გამოიყენოს ისინი სამხედრო მიზნებისთვის. ასევე, WSJ-ის წყაროების ცნობით, ტრამპის ადმინისტრაცია განიხილავს Nord Stream გაზსადენის ოპერირების განახლებას, როგორც ომის დასრულების მნიშვნელოვანი გარიგების ნაწილს.

აშშ-ის მაღალჩინოსანმა გამოცემას განუცხადა, რომ გერმანიის ყოფილი კანცლერის ანგელა მერკელის შეცდომა იყო მილსადენის პროექტის წამოწყება რუსეთთან უფრო ფართო უსაფრთხოების შეთანხმების მოლაპარაკების გარეშე.

ევროპელი ოფიციალური პირები და ევროკავშირის ლიდერები სკეპტიკურად არიან განწყობილნი პროექტის მიმართ და ასახელებენ გეგმას, რომელიც 2027 წლის ბოლომდე რუსული გაზის იმპორტის სრულად შეწყვეტას ითვალისწინებს. თუმცა, აშშ იმედოვნებს, რომ ენერგომატარებლების ფასების მკვეთრმა ზრდამ, ახლო აღმოსავლეთში შექმნილი ვითარების გამო თხევადი ბუნებრივი აირის დეფიციტმა და მცირე მარაგების შემცველმა რეზერვებმა შესაძლოა ევროპის პოზიცია შეარბილოს.

თავის მხრივ, კრემლმა უარყო უკრაინასთან ენერგეტიკული ზავი. რუსეთის პრეზიდენტის პრესმდივანმა დიმიტრი პესკოვმა განაცხადა, რომ მოსკოვს „მშვიდობა სჭირდება და არა ზავი“. თავად ვლადიმერ პუტინმა გამოაცხადა მზადყოფნა, „ხვალვე“ განაახლოს ევროპისთვის გაზის მიწოდება. ამის მისაღწევად მან შესთავაზა „ჩრდილოეთის ნაკადი 2“-ის გაზსადენის დარჩენილი ხაზის გამოყენება, რომელიც ექსპლუატაციაში არ იყო გაშვებული.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად