საქართველოს საკონსტიტუციო სასამართლოში დასრულდა მოსამზადებელი ეტაპი ხელისუფლებაში მყოფი „ქართული ოცნების“ შეტანილ საქმეზე ხუთი ოპოზიციური პარტიის შესახებ. 26 ოქტომბერს საკითხის არსებითად განხილვა იწყება.

„ვიმუშაოთ ის კვირა. ამ სამმა დღემ აჩვენა, რომ საკმაოდ მუშაობა გვიწევს. იმ კვირას თუ არ მოვრჩით, იმის შემდეგი კვირა ვიმუშაოთ“, - თქვა სხდომის თავმჯდომარემ, რევაზ ნადარაიამ.

დღეს, 23 ოქტომბერს, სასამართლოში შუამდგომლობები დააყენა ოპოზიციურმა პარტიამ „გახარია-საქართველოსთვის“. ორივე განხილული შუამდგომლობა არ დაკმაყოფილდა.

პარტიის ერთ-ერთი ლიდერი ბერდია სიჭინავა ამბობდა, რომ სასამართლოს რეგლამენტით, პასუხის მოსამზადებლად მათ 1-თვიანი ვადა უნდა მიეცეთ.

„მოპასუხე მხარე ვალდებულია, წარმოადგინოს წერილობითი შესაგებელი არა უგვიანეს კონსტიტუციური სარჩელის/წარდგინების არსებითად განსახილველად მიღებიდან 1 თვის ვადაში“, - წერია საკონსტიტუციო სასამართლოს რეგლამენტის მე-15 მუხლში.

პარტია „გახარია საქართველოსთვის“ აცხადებდა, რომ საქმის სირთულიდან გამომდინარე, როცა არ არსებობს მსგავსი გამოცდილება, განსაკუთრებით დიდი მნიშვნელობა ენიჭება რეგლამენტის დაცვას.

საკითხზე გადაწყვეტილების მისაღებად პლენუმი სათათბიროდ გავიდა. არდაკმაყოფილების შესახებ გადაწყვეტილება სხდომის თავმჯდომარემ, რევაზ ნადარაიამ, გამოაცხადა:

„გადაწყვეტილება ამ შემთხვევაშიც ერთპიროვნულია... რეგლამენტით კი არის გათვალისწინებული [შუამდგომლობის წარმოდგენა], მაგრამ პრაქტიკაში არ ხორციელდება შესაგებლის წარმოდგენა... სხდომის დანიშვნა არ აფერხებს მხარეს, ამავდროულად არ რჩება რაიმენაირი განცდა, რომ მხარე არის მოუმზადებელი. სასამართლოს უკვე ექმნება განცდა, რომ ეს უფრო გაჭიანურებას ემსახურება და არა საქმის გადადების აუცილებლობას...

მოლოდინი იმისა, რომ თქვენ ეს გადაწყვეტილება მოგეწონებოდათ, არ იყო. ჩვენ უბრალოდ განგიმარტეთ - ჩვენი შეხედულებები გვაქვს და ჩვენ ამ შეხედულებებში ვართ თავისუფალი“.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს