ბელგიის პოლიციამ პარიზის ტერაქტში ეჭვმიტანილი დააკავა

2016-04-09 14:33:53, 1099 ნახვა

მსოფლიო

ბელგიაში პარიზის ტერაქტების ორგანიზატორების თანამზრახველი მუჰამედ აბრინი დააკავეს, - ამის შესახებ BBC იტყობინება.

როგორც მედია საშუალება იუწყება, ბელგიის პროკურატურაზე დაყრდნობით იტყობინება, ერთდროულად რამდენიმე ეჭვმიტანილია დაკავებული.

მათივე ცნობით დაკავებულები, ტერაქტებთან არიან დაკავშირებული, მათ შორის არის აბრინიც. პროკურატურა ამოწმებს არიას თუ არა აბრინი, ბრიუსელის აეროპორტში მომხდარი ტერაქტის მესამე ორგანიზატორი. უწყების ინფორმაციით, აბრინის თითის ანაბეჭდები 2 საცხოვრებელ სახლში და მანქანაში აღმოაჩინეს. აღშანიშნავია, რომ აღნიშნული მანქანა პარიზის ტერაქტების საქმეში ფიგურირებს.

მედიის ცნობით, დაკავება ანდერლეხტის რაიონში მოხდა. მათივე ვერსიით, სწორედ აბრინი იყო ის მესამე ადამიანი, რომელიც ორ თვითმკვლელთან ერთად მოხვდა ვიდეოკადრებში ბრიუსელის აეროპორტში აფეთქებამდე. ის ასევე აღბეჭდილია პარიზის სათვალთვალო ვიდეოკამერების მიერ დაფიქსირებულ კადრებში ნოემბრის ტერაქტებამდე ცოტა ხნით ადრე.

წინასწარი ინფორმაციით დაკავებულია 4 პირი მათ შორის ვინმე ოსამ კრაემი. როგორც მედია საშუალება იტყობინება, ოსამ კრაემი თვითმკვლელ ტერორისტებს ბრიუსელში მეტრო სადგურის ტერაქტის მოწყობაში ეხმარებოდა. უწყების ინფორმაციით კრაემი სირიიდან 3 სექტემბერს დაბრუნდა. ეჭვმიტანილი მიგრანტებთან ერთად ჯერ საბერძნეთში ჩავიდა, რის შემდეგაც გერმანიიის გავლით დაქირავებული ავტომანქანით სალაჰ აბდესლამითან ერთად ბრიუსელში ჩავიდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან