"ნაციონალური მოძრაობის" ერთ-ერთი ლიდერის, ხატია დეკანოიძის შეფასებით, ყოფილი პრემიერ-მინისტრის ირაკლი ღარიბაშვილის ბოლო განცხადებაში არსებული ფორმულირებები "საგანგაშოა".

დეკანოიძის თქმით, ყოფილი პრემიერი "ხელს ადებს" პრემიერ-მინისტრ კობახიძეს და "ქართული ოცნების" ერთ-ერთ ლიდერს, მამუკა მდინარაძეს, რომელმაც პოლიტიკიდან წასვლის შესახებ განაცხადა, რომ ისინი "კლავდნენ ან თვითმკვლელობამდე" მიჰყავდათ ადამიანები.

"ღარიბაშვილის ეს წერილი ამყარებს იმ ეჭვებს, რომელიც საზოგადოებას დიდი ხანი ჰქონდა:

განსაკუთრებით რიჟვაძისა და ციხის უფროსი დავით გოგობერიშვილის შემთხვევებში.

“არაერთი თვითმკვლელობა” - ეს არის ფორმულირება მის წერილში და საკმაოდ საგანგაშო.

მსგავსი ფორმულირება ეხება ადამიანების სიცოცხლეს და უმძიმეს დანაშაულს, რომელზეც მიანიშნებს ღარიბაშვილი.

ყოფილი პრემიერ-მინისტრი, ივანიშვილის ყველაზე დიდი ხნის მსახური ხელს ადებს კობახიძე/მდინარაძეს, რომ კლავდნენ ან თვითმკვლელობამდე მიჰყავდათ", - წერს დეკანოიძე.

ცნობისთვის, ყოფილი პრემიერ-მინისტრის ირაკლი ღარიბაშვილის მიერ გავრცელებულ წერილში ნათქვამია, რომ საზოგადოებაში დღემდე რჩება პასუხგაუცემელი კითხვები არაერთი ადამიანის თვითმკვლელობის ფაქტთან დაკავშირებით, რომლებსაც ადგილი ჰქონდა ირაკლი კობახიძისა და მამუკა მდინარაძის მმართველობის დროს.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

პოლონეთი შიშობს, რომ რუსეთმა შესაძლოა უკრაინასთან სასაზღვრო პუნქტებზე თავდასხმა განახორციელოს

სი ძინპინმა ინდოეთში, BRICS-ის სამიტის ფარგლებში პუტინთან შეხვედრაზე უარი თქვა

გვარამია ანა წითლიძის განცხადებაზე - კარგი, ეს ნამუსგარეცხილი ურეპუტაციო ქაჯია

COMCOM: რუსთავი 2 მიუკერძოებლობის პრინციპების დარღვევისთვის გავაფრთხილეთ