აშშ-ის პრეზიდენტმა დონალდ ტრამპმა გამოაცხადა მხარდაჭერა სომხეთის პრემიერ-მინისტრ ნიკოლ ფაშინიანს მომავალ საპარლამენტო არჩევნებში.

„სომხეთის პრემიერ-მინისტრი ნიკოლ ფაშინიანი, ჩვენი დიდი მეგობარი და ლიდერი, თავის ქვეყანას აძლიერებს, აყვავებულს და ძალიან უსაფრთხოს ხდის! ნიკოლი სრულად იზიარებს ჩემს ხედვას სომხეთისა და მთელი სამხრეთ კავკასიის რეგიონის მშვიდობისა და კეთილდღეობის შესახებ. ჩვენი სახელმწიფო მდივანი, მარკო რუბიო, ცოტა ხნის წინ ეწვია სომხეთს, სადაც მან ხელი მოაწერა რამდენიმე მნიშვნელოვან შეთანხმებას ჩვენი ორივე ქვეყნისთვის. მალე შეერთებული შტატები და სომხეთი ერთობლივად დაიწყებენ ტრამპის საგზაო რუკის შედგენას საერთაშორისო მშვიდობისა და კეთილდღეობისთვის, რომელიც გარდაქმნის სამხრეთ კავკასიას და დაეხმარება ჩვენს შესანიშნავ ამერიკულ ენერგეტიკულ კომპანიებს ცენტრალური აზიიდან შეერთებულ შტატებამდე წვდომაში. ამ მიზეზების გამო, ნიკოლს ჩემი სრული და უპირობო მხარდაჭერა აქვს ხელახალი არჩევისთვის 2026 წლის 7 ივნისს. ნიკოლის დახმარებით, ჩვენ ავამაღლებთ შეერთებულ შტატებს, სომხეთს, სამხრეთ კავკასიას და ცენტრალურ აზიას უპრეცედენტო სიმაღლეებზე. „მოდით, კვლავ გავხადოთ (სომხეთი) დიდებული“, - დაწერა ამერიკელმა ლიდერმა სოციალურ ქსელ Truth Social-ზე.

ავტორი: ექსპრესნიუსი,

სოციალური ქსელები

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას