2026-02-17 20:13:20, 694 ნახვა

---

ზელენსკი აცხადებს, რომ BringKidsBackUA-ს ინიციატივის ფარგლებში რუსეთის კონტროლიდან 2 000 უკრაინელი ბავშვი დაბრუნდა სახლში

უკრაინის პრეზიდენტმა, ვოლოდიმირ ზელენსკიმ განაცხადა, რომ BringKidsBackUA-ს ინიციატივის ფარგლებში რუსეთის კონტროლიდან 2 000 უკრაინელი ბავშვი დაბრუნდა სახლში.

„თითოეულის დაბრუნება შესაძლებელი გახდა ჩვენი ხალხის, სამოქალაქო საზოგადოების ორგანიზაციებისა და საერთაშორისო პარტნიორების ყოველდღიური ძალისხმევის წყალობით“, – წერს ზელენსკი სოციალურ ქსელში.

უკრაინის პრეზიდენტმა ასევე აღნიშნა, რომ პროცესი გრძელდება, რადგან ათასობით უკრაინელი ბავშვი რუსეთის ტყვეობაში რჩება.

„არ გავჩერდებით, ვიდრე ყველა უკრაინელი ბავშვი სახლში არ დაბრუნდება“, – აღნიშნა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი