ქართული ოცნების პრეზიდენტმა მიხეილ ყაველაშვილმა ქართული ოცნების პარლამენტში ყოველწლიური ანგარიშით წარდგენის დროს სპორტზე ისაუბრა.

"

პრემიერმა სპორტის განვითარება ერთ-ერთ პრიორიტეტულ საკითხად დაასახელა, რისთვისაც მადლობას ვუხდი. სპორტის განვითარებასთან ერთად, არანაკლებ მნიშვნელოვანია სპორტით განვითარება, რაც ჯანსაღი ცხოვრების წესის პოპულარიზაციას ნიშნავს. ადამიანის ყოველდღიურობაში სპორტული ცხოვრების ინტეგრაციის ხელშეწყობა და სხვადასხვა სფეროში აღნიშნული მიდგომის დანერგვა ერის ჯანმრთელობის ხარისხის ზრდასთან ერთად, უზრუნველყოფს ჩვენი მოსახლეობის, განსაკუთრებით ახალგაზრდების მავნე ზეგავლენისგან დაცვას.

ვერ ავუვლი გვერდს ამ საკითხს - მე აქ ვიყავი, პარლამენტში, როცა ჩვენ არაერთი კვლევა ჩავატარეთ სპორტის კომიტეტის მეშვეობით და საგამოძიებო კომისია იყო წინა ხელისუფლების დანაშაულებრივ ქმედებასთან დაკავშირებით, არაერთი მავნე დანაშაული გამოვლინდა, მაგრამ კიდევ ბევრი არის აღსანიშნავი და ერთ-ერთი მნიშვნელოვანი, რომელიც ამ საკითხს ეხება, ამ ხალხმა, განსაკუთრებით ახალგაზრდებმა უნდა იცოდნენ, რომ სპორტის უნივერსიტეტი გააუქმეს. ამ სპორტის უნივერსიტეტის ის, რაც სპორტული ინფრასტრუქტურა გაანადგურეს, ამასთან ერთად სპორტის უნივერსიტეტი გაანადგურეს და 7-წლიანი პაუზა იყო, დეფიციტი შეიქმნა სკოლებში სპორტის მასწავლებლების.

ფიზიკის, ისტორიის და ქართულის მასწავლებლებისთვის მოხდა სპორტის გაკვეთილების შეთავსება, არც კი ატარებდნენ და ამან რა გამოიწვია - ჯანდაცვის ორგანიზაციასთან ერთად ჩვენ ჩავატარეთ კვლევა და საქართველო, არაგადამდები დაავადებების სიკვდილიანობის სტატისტიკით ერთ-ერთი მოწინავე იყო ევროპის ქვეყნებში. ეს დაახლოებით 7-8 წლის წინ გავაკეთეთ ეს კვლევები, ეს ჭარბწონიანობა, ეს შედეგი, რომელიც ამ მავნე ხელისუფლებამ ჩაიდინა, სწორედ ეს შედეგი იყო, რაც მოიტანა მათმა პოლიტიკამ - განადგურებული სპორტული ინფრასტრუქტურა და სპორტის მასწავლებლების დეფიციტი", - თქვა მან. 

ავტორი: ექსპრესნიუსი,

სოციალური ქსელები

თბილისის მეტროს პირველ ხაზზე მოძრაობა შეჩერებულია - 300 არაგველზე მგზავრი ლიანდაგებში ჩავარდა

ჯაშუშობის ბრალდებით დაკავებულ ივანიშვილის ყოფილ პრესმდივანს, გიორგი უძილაურს პატიმრობა შეეფარდა

პაატა ბურჭულაძის დასკვნითი სიტყვა სასამართლოზე: ჩემს ადგილს ვხედავ ან რუსთაველზე, ან ციხეში

ფაშინიანი ამბობს, რომ მოსკოვში 9 მაისის აღლუმზე არ ჩავა