ესტონეთის საზღვაო ძალებმა რესპუბლიკის შიდა წყლებში კონტეინერმზიდი „Baltic Spirit“ დააკავეს, იტყობინება ესტონური მაუწყებელი ERR. რეპორტაჟის თანახმად, ბაჰამის კუნძულების დროშის ქვეშ მცურავი გემი ეკვადორიდან სანქტ-პეტერბურგისკენ მიემართებოდა და შესაძლოა, კონტრაბანდული საქონელი გადაჰქონდა. ის ესტონეთში საწვავის შესავსებად ჩავიდა და ნაისარის კუნძულთან ღუზა ჩაუშვა.

კონტეინერმზიდი საბაჟო შემოწმებისთვის 3 თებერვალს, ადგილობრივი დროით 17:10 საათზე (მოსკოვის დროით 16:10 საათზე) დააკავეს. K-komando-ს სპეციალური დანიშნულების რაზმი გემზე ავიდა. რუსეთის 23 მოქალაქისგან შემდგარი ეკიპაჟი წინააღმდეგობას არ უწევდა.

K-komando-ს სპეციალური დანიშნულების რაზმის ხელმძღვანელის, მარეკ აასის თქმით, დაკავებული კონტეინერმზიდი არ შედის რუსეთის „ჩრდილოვან ფლოტში“ და არ ექვემდებარება ევროკავშირის სანქციებს. „ჩვენთვის ოპერაციის არსი სწორედ იმაში მდგომარეობდა, რომ სავარაუდოდ კონტრაბანდას ჰქონდა ადგილი“, - აღნიშნა აასმა. მან არ დააკონკრეტა, რა კონტრაბანდას გულისხმობდა. ესტონეთის საგადასახადო და საბაჟო საბჭოს (ETCB) საგამოძიებო დეპარტამენტმა 188-მეტრიან გემზე არსებული კონტეინერები უნდა შეამოწმოს. ამ მიზნით, გემი, სავარაუდოდ, პორტში გაგზავნიან.

22 იანვარს, საფრანგეთის საზღვაო ძალებმა ხმელთაშუა ზღვაში დააკავეს ნავთობტანკერი „გრინჩი“, რომელიც რუსეთიდან მოდიოდა და საერთაშორისო სანქციების ქვეშ იმყოფებოდა. „ევრონიუსის“ წყაროების ცნობით, ოპერაცია განხორციელდა გაერთიანებული სამეფოს მხარდაჭერით, რომელმაც მიაწოდა სადაზვერვო ინფორმაცია, რამაც გემის დაკავების საშუალება მისცა. საფრანგეთის ხელისუფლებამ მოგვიანებით დააკავა გემის კაპიტანი, 58 წლის ინდოეთის მოქალაქე, და დაიწყო გამოძიება. თუმცა, ამის მიუხედავად, პარიზი იძულებული გახდა გაეთავისუფლებინა „გრინჩი“ ეროვნული სამართლებრივი მოთხოვნების გამო.

31 დეკემბერს, ფინეთმა დააკავა სატვირთო გემი „ფიტბურგი“ დივერსიის ეჭვის საფუძველზე - ჰელსინკიდან ტალინამდე მოძრავი სატელეკომუნიკაციო კომპანიის „ელიზას“ მიერ მართული კაბელის დაზიანებით. გემი სანქტ-პეტერბურგიდან ისრაელისკენ მიემართებოდა და დაკავების დროს ბორტზე 14 ადამიანი იმყოფებოდა - რუსეთიდან, საქართველოდან, აზერბაიჯანიდან და ყაზახეთიდან. ფინეთის ხელისუფლებამ გემი 12 იანვარს გაათავისუფლა. დივერსიის გამოძიება გრძელდება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს