ოკუპირებული დონეცკის ე.წ. სასამართლომ გიორგი ბარამიძეს დაუსწრებლად პატიმრობა მიუსაჯა

2026-02-03 17:41:04, 543 ნახვა

პოლიტიკა

რუსეთის გენერალური პროკურატურის ინფორმაციით, ოკუპირებული დონეცკის ე.წ. სასამართლომ გიორგი ბარამიძეს დაუსწრებლად პატიმრობა მიუსაჯა.

გენერალური პროკურატურის განცხადების თანახმად, ოკუპირებული დონეცკის ე.წ. უზენაესმა სასამართლომ საქართველოს ყოფილი თავდაცვის მინისტრი და ვიცე-პრემიერი გიორგი ბარამიძე დაუსწრებლად დამნაშავედ ცნო "შეიარაღებულ კონფლიქტში დაქირავებულ მებრძოლად მონაწილეობისთვის".

მას 6 წლითა და 6 თვით პატიმრობა მიესაჯა.

რუსეთის გენპროკურატურა აცხადებს, რომ გიორგი ბარამიძე 2022 წლის თებერვალში დაქირავებულის სტატუსით ჩავიდა უკრაინაში, სადაც შეუერთდა "ქართული ლეგიონის" შემადგენლობას - 2022 წლის აპრილამდე მონაწილეობას იღებდა რუსეთის შეიარაღებული ძალების წინააღმდეგ საბრძოლო ქმედებებში.

რუსეთის გენპროკურატურის მტკიცებით, გიორგი ბარამიძემ მიიღო ანაზღაურება - რომელმაც 238 ათას რუბლს გადააჭარბა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,