საქართველოს ტექნიკური უნივერსიტეტის რექტორი დავით გურგენიძე ამბობს, რომ უნივერსიტეტების გაერთიანებაზე ყოველდღიური მსჯელობა აქვს საუნივერსიტეტო საზოგადოებასთან, მათ შორის პროფესორებთან და ახალგაზრდებთან.

მიუხედავად უნივერსიტეტის თანამშრომლების და სტუდენტების მხრიდან პროტესტისა, გურგენიძე მადლიერია ირაკლი კობახიძის და ამბობს, რომ "განათლების მესვეურები" 30 წლის განმავლობაში ელოდებოდნენ რეფორმას.

"მე პირველივე დღიდან შევხვდი როგორც აკადემიური საბჭოს წევრებს, დეკანებს, პროფესორებს, ახალგაზრდებს. დღეში ორჯერ ვხვდები. ჩვენი გადაწყვეტილება ასეთია, რომ ბატონი მინისტრის, მიქანაძის განცხადების შემდგომ, განვიხილავთ მთლიანად საუნივერსიტეტო საზოგადოებაში განვიხილავთ აღნიშნულ საკითხს, რომელიც არის ზღვა მასალა და სტუ არის სახელმწიფოში სახელმწიფო, ეს არის უდიდესი ინსტიტუცია, ცოდნის ტაძარი. ჩვენ ამ მასალას ვამუშავებთ და ყოველგვარი პოლიტიკისგან დაცლილი, ვიმსჯელეთ ბატონ მინისტრთან ერთად რეფორმასთან დაკავშირებულ საკითხებზე...

მინდა დაგარწმუნოთ, რომ 30 წელია განათლების მესვეურები ველოდებოდით განათლების რეფორმას. უღრმესი მადლობა პრემიერმმინისტრ ბატონ ირაკლი კობახიძეს, რომ ეს რეფორმა დაიწყო. ამ თემაზე ჩვენ ერთი წელია ვსაუბრობთ. ასევე, ვსაუბრობდით ფაკულტეტებზე. ჰუმანიტარულ, სოციალურ მეცნიერებებზე გვქონდა საუბარი და ფაქტობრივად ვიყავით შეჯერებული. შემდეგ ბატონმა მინისტრმა მიიღო გადაწყვეტილება, რომელიც მიიღო. ჩემთან კონსულტაციების მერე ჩვენ შევჯერდით, რომ მოვახსენებდიო აღნიშნულს საუნივერისტეტო საზოგადოებას და მსჯელობის შემდეგ ჩვენ გავაგრძელებთ მსჯელობას უნივერსიტეტის მომავალზე"- თქვა გურგენიძემ.

29 იანვარს, ქართული ოცნების განათლების მინისტრმა გივი მიქანაძემ ოცნების მიერ დაწყებული განათლების რეფორმის ფარგლებში თქვა, რომ მიიღეს საქართველოს ტექნიკური უნივერსიტეტისა და თბილისის სახელმწიფო უნივერსიტეტის გაერთიანების გადაწყვეტილება. აღნიშნულ გადაწყვეტილებას პროტესტი მოჰყვა როგორც უნივერსიტეტების სტუდენტების, ასევე ზოგირთი ლექტორისა და უნივესიტეტების ადმინისტრაციის წარმომადგენლების მხრიდანაც.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს