იტალიის პრემიერ-მინისტრმა მელონიმ და მისმა ნორვეგიელმა კოლეგამ, სტორემ, გააკრიტიკეს ტრამპის განცხადებები იმის შესახებ, რომ ავღანეთში ფრონტის ხაზზე ნატოს არაამერიკელი ჯარისკაცები არ იმყოფებოდნენ. თავის განცხადებაში მელონიმ გაიხსენა, რომ 2001 წლის 11 სექტემბრის ტერორისტული თავდასხმების შემდეგ, ნატომ ისტორიაში პირველად და ერთადერთხელ გამოიყენა მე-5 მუხლი შეერთებული შტატებისადმი სოლიდარობის ნიშნად.

მან თქვა, რომ იტალიამ „უდაოდ მაღალი ფასი“ გადაიხადა: თითქმის 20 წლის განმავლობაში, საბრძოლო მოქმედებებში, უსაფრთხოების მისიებსა და ავღანეთის ძალების სასწავლო პროგრამებში 53 ჯარისკაცი დაიღუპა და 700-ზე მეტი დაიჭრა. „ამ მიზეზით, განცხადებები, რომლებიც ავღანეთში ნატოს ქვეყნების წვლილს ამცირებს, მიუღებელია, განსაკუთრებით მაშინ, როდესაც მოკავშირისგან მოდის“, - აღნიშნულია განცხადებაში.

თავის მხრივ, ნორვეგიის პრემიერ-მინისტრმა სტორემაც განაცხადა, რომ ტრამპის განცხადებები „უპატივცემულოა“. „დაღუპულებს, მათ ოჯახებს და ავღანეთში მსახურებს სიმართლითა და პატივისცემით უნდა მოეპყრონ. პრეზიდენტის განცხადება უპატივცემულობაა“, - დაწერა სტერმა თავის Facebook გვერდზე.

22 იანვარს ტრამპმა განაცხადა, რომ ავღანეთში ომის დროს შეერთებულ შტატებს არასდროს სჭირდებოდა არაამერიკელი მოქალაქეები, რადგან ისინი „ფრონტის ხაზს ოდნავ უკან რჩებოდნენ“.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს