პრეზიდენტ დონალდ ტრამპის თვითმფრინავი, რომელიც შვეიცარიაში მსოფლიო ეკონომიკურ ფორუმზე მიემგზავრებოდა, სამშაბათს, აფრენიდან მალევე იძულებული გახდა შეერთებულ შტატებში დაბრუნებულიყო იმის გამო, რასაც თეთრი სახლი „მცირე ელექტრო პრობლემას“ უწოდებს.

ამის შესახებ ინფორმაციას Politico ავრცელებს.

როგორც თეთრი სახლის პრესმდივანმა კეროლაინ ლევიტმა პრეზიდენტის თანმხლებ ჟურნალისტებს განუცხადა, ეკიპაჟმა პრობლემა აღმოაჩინა და Air Force One მერილენდის შტატში, ენდრიუსის საჰაერო ბაზაზე დააბრუნა.

ლევიტის თქმით, პრეზიდენტი და მისი თანმხლები პირები ახალ თვითმფრინავში უნდა ასულიყვნენ და შვეიცარიაში გაეგრძელებინათ მოგზაურობა. თეთრმა სახლმა მოგვიანებით განაცხადა, რომ Air Force One ენდრიუსის საჰაერო ბაზაზე 23:07 საათზე დაბრუნდა.

პრესმდივანმა ხუმრობით ისაუბრა ტრამპის მიერ კატარის თვითმფრინავის Air Force One-ად გამოყენების თანხმობაზე და ჟურნალისტებს უთხრა, რომ ახალი თვითმფრინავის იდეა ელექტრო პრობლემის გათვალისწინებით „გაცილებით უკეთესად“ ჟღერდა.

ტექნიკური პრობლემა, სავარაუდოდ, ტრამპის დიდი ხნის ნანატრი გამოსვლას გადადებს ოთხშაბათს, შვეიცარიის ქალაქ დავოსში, მსოფლიო ეკონომიკურ ფორუმზე. გამოსვლა ევროპელ მოკავშირეებთან დაძაბული ურთიერთობების ფონზე იმართება, რაც ტრამპის მიერ გრენლანდიის ანექსიაზე ზეწოლის მიზნით კამპანიის გამო იყო გამოწვეული.

შვეიცარიის ქალაქ დავოსში, მსოფლიო ეკონომიკურ ფორუმზე გამოსვლისას, დონალდ ტრამპი, სავარაუდოდ, მსოფლიო ლიდერებს გააკრიტიკებს.

შეგახსენებთ, რომ მაისში, Associated Press-მა გაავრცელა ინფორმაცია, რომ ტრამპის ადმინისტრაცია კატარისგან „აშშ-ის საჰაერო ძალებისთვის საჩუქრად“ ფუფუნების Boeing 747 ტიპის თვითმფრინავს მიიღებდა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს