დანიის პრემიერ-მინისტრმა მეტე ფრედერიკსენმა ორშაბათს განაცხადა, რომ აშშ-ს მიერ გრენლანდიის ძალადობრივი ანექსია ჩრდილოატლანტიკური ალიანსის დასასრულს ნიშნავს.

მან ეს განცხადება დანიურ ტელეარხ TV2-ს განუცხადა.
ფრედერიკსენის თქმით, თუ აშშ გადაწყვეტს სამხედრო თავდასხმას ნატოს სხვა ქვეყანაზე, „მაშინ ყველაფერი დასრულდება“.

„მათ შორის ჩვენი ნატო და, შესაბამისად, უსაფრთხოება, რომელიც მეორე მსოფლიო ომის დასრულების შემდეგ არის უზრუნველყოფილი“, - განაცხადა დანიის პრემიერ-მინისტრმა.

მან დასძინა, რომ ყველაფერს აკეთებს, რათა ეს არ მოხდეს.

„მე მჯერა დემოკრატიისა და თამაშის საერთაშორისო წესების. ასევე მჯერა, რომ საზღვრები არ შეიძლება შეიცვალოს ასე თუ ისე“, - დასძინა დანიის პრემიერ-მინისტრმა.

შეგახსენებთ, რომ აშშ-ს პრეზიდენტმა დონალდ ტრამპმა კვირას ჟურნალ The Atlantic-თან ინტერვიუში ვენესუელაში აშშ-ს ქმედებების შესახებ კიდევ ერთხელ გაიმეორა გრენლანდიის კონტროლის სურვილი.

მან კუნძულის შესახებ თავისი კომენტარები გაიმეორა Air Force One-ის ბორტზე ჟურნალისტებთან საუბრისას და განაცხადა, რომ აშშ-ს გრენლანდიის კონტროლი სჭირდება.

დანიისა და გრენლანდიის პრემიერ-მინისტრებმა მოუწოდეს ტრამპს, შეწყვიტოს ზეწოლა და მუქარა.

თეთრი სახლის ადმინისტრაციის უფროსმა სტივენ მილერმა 5 იანვარს განაცხადა, რომ შეერთებული შტატები „ზესახელმწიფოა“ და ასეც მოიქცევა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს