მადუროს ვიცეპრეზიდენტი, დელსი როდრიგესი აშშ-ს პრეზიდენტ დონალდ ტრამპს მოუწოდებს, წარადგინოს ნიკოლას მადუროსა და მისი ცოლის, სილია ფლორესის, "სიცოცხლის დამადასტურებელი" საბუთი, მას შემდეგ, რაც აშშ-მ მადურო და მისი მეუღლე სპეცოპერაციის შედეგად დააკავა.

სამთავრობო მედიასთან ტელეფონით საუბრისას როდრიგესმა განაცხადა, რომ აშშ-ს იერიშების შემდეგ მან არ იცოდა, სად იმყოფებიან მადურო და მისი ცოლი.

"ჩვენ არ ვიცით პრეზიდენტი ნიკოლას მადუროსა და პირველი ლედის, სილია ფლორესის, ადგილსამყოფელი. პრეზიდენტი დონალდ ტრამპისგან დაუყოვნებლივ მოვითხოვთ პრეზიდენტი მადუროსა და პირველი ლედის სიცოცხლის დამადასტურებელ საბუთს." - განაცხადა როდრიგესმა.

კარაკასში გამართულ ცერემონიაზე როდრიგესმა განაცხადა, რომ ქვეყანა არცერთი ქვეყნის კოლონია არ გახდება და მზადაა დაიცვას თავისი სუვერენიტეტი. მან მოუწოდა ნიკოლას მადუროს და მისი მეუღლის გათავისუფლებისკენ და ხაზგასმით აღნიშნა, რომ ის უარყოფს ხალხის წინააღმდეგ ძალადობას და სამხედრო აგრესიის ნებისმიერ სცენარს.

როდრიგესის თქმით, მადურო ვენესუელას ერთადერთ ლეგიტიმურ პრეზიდენტად რჩება.

 აშშ-ს პრეზიდენტმა დონალდ ტრამპმა კვლავ გაიმეორა, რომ თუ ვენესუელის ვიცე-პრეზიდენტი და ამჟამინდელი პრეზიდენტი დელსი როდრიგესი არ დანებდება და არ დათანხმდება აშშ-ის პირობებს, ამერიკის შეერთებული შტატები გადავა დარტყმების მეორე ფაზაზე. ამ დროისთვის ჩანს, რომ როდრიგესი უარს აცხადებს აშშ-ის პირობებზე და მოითხოვს ნიკოლას მადუროს გათავისუფლებას.

ვენესუელაში სახმელეთო ძალების შეყვანაც განიხილება, თუ არსებული მადუროს რეჟიმი არ დათანხმდება ხელისუფლების გადაცემას, რომლის შედეგადაც ამერიკის შეერთებული შტატები გარდამავალ ეტაპზე ვენესუელაში მთავარი მმართველი ძალა გახდება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს