ევროპული საბჭოსა და კომისიის პრეზიდენტებმა, ანტონიო კოსტამ და ურსულა ფონ დერ ლაიენმა, დონალდ ტრამპის გადაწყვეტილებას გრენლანდიაში სპეციალური წარმომადგენლის დანიშვნის შესახებ უპასუხეს.

კოსტამ და ფონ დერ ლაიენმა X-ზე იდენტური განცხადებები გამოაქვეყნეს.

ერთობლივ განცხადებაში ევროკავშირის ლიდერებმა განაცხადეს, რომ არქტიკის უსაფრთხოება ევროკავშირისთვის მთავარ პრიორიტეტად რჩება და „ჩვენ ვალდებულნი ვართ, ამ საკითხზე მოკავშირეებთან და პარტნიორებთან ვითანამშრომლოთ“.

„ტერიტორიული მთლიანობა და სუვერენიტეტი საერთაშორისო სამართლის ფუნდამენტური პრინციპებია. ეს პრინციპები ფუნდამენტური მნიშვნელობისაა არა მხოლოდ ევროკავშირისთვის, არამედ მსოფლიოს ქვეყნებისთვის“, - დასძინეს მათ.

ევროსაბჭოსა და კომისიის ხელმძღვანელებმა ასევე გამოთქვეს „სრული სოლიდარობა“ დანიასა და გრენლანდიის ხალხის მიმართ.

აშშ-ის პრეზიდენტმა დონალდ ტრამპმა კვირას გამოაცხადა, რომ მან ლუიზიანას გუბერნატორი ჯეფ ლენდრი გრენლანდიაში თავის სპეციალურ წარმომადგენლად დანიშნა.

დანიის პრემიერ-მინისტრმა მეტე ფრედერიქსენმა განაცხადა, რომ ის შეერთებული შტატებისგან პატივისცემას ელის. გარდა ამისა, აშშ-ის ელჩი დანიის საგარეო საქმეთა სამინისტროში დაიბარებენ.

მას შემდეგ, რაც ტრამპმა თანამდებობა დაიკავა, დანიასა და აშშ-ს შორის ურთიერთობები დაიძაბა. ეს მოხდა მას შემდეგ, რაც ტრამპმა გამოთქვა სურვილი, მიეთვისებინა გრენლანდია, რესურსებით მდიდარი დანიის ტერიტორია არქტიკაში, „უსაფრთხოების შეშფოთების“ მოტივით.

დანიაც და გრენლანდიაც ამტკიცებენ, რომ კუნძული არ იყიდება და რომ საკუთარ მომავალს თავად გადაწყვეტს.

ავტორი: ექსპრესნიუსი,

სოციალური ქსელები

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს