გამოცემა Bloomberg წერს, რომ უნგრეთის პრემიერი ვიქტორ ორბანი ფიქრობს შესაძლებლობებზე, თუ როგორ შეინარჩუნოს ძალაუფლება აპრილში დაგეგმილი არჩევნების შედეგების მიუხედავად.

Bloomberg-თან ანონიმურობის პირობის დაცვით წყარო ამბობს, რომ იმ პირობებში, როდესაც ზოგიერთი გამოკითხვა არჩევნებისთვის ოპოზიციის ორნიშნა უპირატესობას აჩვენებს, ვიქტორ ორბანი განიხილავს შესაძლებლობას, რომ თავად დაიკავოს პრეზიდენტის თანამდებობა და კანონები ისე შეცვალოს, რომ ეს პოსტი ყველაზე გავლენიანად იქცეს.

პრემიერმა ვიქტორ ორბანმა საპრეზიდენტო სისტემაზე გადასვლის შესაძლებლობაზე გასულ თვეში, თეთრ სახლში აშშ-ის პრეზიდენტ დონალდ ტრამპთან გამართული შეხვედრის შემდეგ ისაუბრა და თქვა, რომ ამ სისტემაზე გადასვლა "ყოველთვის დღის წესრიგშია".

უნგრეთის პარლამენტმა სამშაბათს დაამტკიცა ვიქტორ ორბანის პარტიის, ფიდესის მიერ ინიცირებული კანონპროექტი, რომელიც მომავალში კანონმდებლებს პრეზიდენტის თანამდებობიდან მოხსნას მეტად გაურთულებს.

Bloomberg წერს, რომ თუ ვიქტორ ორბანის პარტია ფიდესი აპრილში გაიმარჯვებს, ვიქტორ ორბანს შესაძლებლობა ექნება, პრეზიდენტის რანგში თავად მართოს პროცესები, ხოლო ყოველდღიური სამთავრობო საქმეები სანდო მოკავშირეს გადააბაროს. დამარცხების შემთხვევაში კი, ვიქტორ ორბანი, პრეზიდენტის როლში, შეძლებს შეზღუდოს ოპოზიციური პარტია ტისას ლიდერის, პეტერ მაგიარის ხელისუფლება.

ამ გეგმის განსახორციელებლად ვიქტორ ორბანს აპრილის არჩევნებამდე პარტია ფიდესის საკონსტიტუციო უმრავლესობის პარლამენტში გამოყენება დასჭირდება, ამჟამინდელმა პრეზიდენტმა კი, რომელსაც ვადა 2029 წელს ეწურება, თანამდებობა უნდა დატოვოს.

ავტორი: ექსპრესნიუსი,

სოციალური ქსელები

ისტორიული ძეგლების დაცვის ჯგუფი თეთრ სახლს ტრამპის საბანკეტო დარბაზის გამო უჩივის

უკრაინამ კასპიის ზღვაში მდებარე „ლუკოილის“ ნავთობპლატფორმებზე ბოლო ორი დღის განმავლობაში მეორე დარტყმა განხორციელდა

სარატოვში, „როსნეფტის“ ნავთობგადამამუშავებელ ქარხანაზე თავდასხმის დროს, დრონი საცხოვრებელ შენობას შეეჯახა, ორი ადამიანი დაიღუპა.

ბრიტანეთის მეფე აცხადებს, რომ მისი კიბოს მკურნალობა შესაძლოა შეწყდეს