პოტენციური ტერორისტული თავდასხმის საფრთხის გამო კნესეთის წევრები საქართველოში დაგეგმილ კონფერენციაში მონაწილეობას არ მიიღებენ - ინფორმაციას ამის შესახებ გამოცემა israelnationalnews ავრცელებს.

 კნესეთის დეპუტატების ვიზიტი საქართველოში 13-14 დეკემბერს იგეგმებოდა. მათ მონაწილეობა უნდა მიეღოთ თბილისში დაგეგმილ "ისრაელის კვირეულში". როგორც გამოცემა წერს, კონფერენციის მონაწილე დეპუტატები გააფრთხილეს შესაძლო ტერორისტული თავდასხმის შესახებ, "რომელიც, დიდი ალბათობით, კონფერენციის მონაწილეების წინააღმდეგ მზადდება".

 "რადიო თავისუფლების" ქართული რედაქცია წერს, რომ ინფორმაცია დაადასტურა საქართველო-ისრაელის ბიზნესპალატის ხელმძღვანელმა, იციკ მოშემ. როგორც იციკ მოშე ამბობს, ისრაელის კვირეული თბილისში მაინც ჩატარდება, რომელშიც კნესეთის წევრები, სავარაუდოდ, დისტანციურად მიიღებენ მონაწილეობას.

 იციკ მოშე გამოცემასთან ამბობს, რომ საფრთხის შესახებ ინფორმაცია ქართულ მხარესაც გადაეცა და ის დარწმუნებულია, რომ კონფერენციის უსაფრთხოება უზრუნველყოფილი იქნება.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო