აშშ არ განიხილავს ამერიკული ჯარების უკრაინაში გაგზავნას. ამის შესახებ აშშ-ის პრეზიდენტის სპეციალურმა წარმომადგენელმა უკრაინის საკითხებში, კიტ კელოგმა, ეროვნული თავდაცვის ფორუმზე სიტყვით გამოსვლისას განაცხადა. კელოგმა აღნიშნა, რომ მისი აზრით, ეკონომიკური ზეწოლა, პირველ რიგში „ჩრდილოვანი ფლოტის“ წინააღმდეგ ბრძოლა, რუსეთზე ზეწოლის ყველაზე ეფექტური გზაა.

მან ასევე განაცხადა, რომ უკრაინაში საბრძოლო მოქმედებები ბოლო ეტაპზე შედის, მაგრამ მიაჩნია, რომ „ბოლო 10 მეტრი“ ყველაზე რთული იქნება. სპეციალური წარმომადგენელი მიიჩნევს, რომ ომის დასასრულებლად ორი ძირითადი საკითხი უნდა გადაწყდეს: დონბასის ტერიტორიების სტატუსი, ხერსონისა და ზაპოროჟიეს ოლქები და ზაპოროჟიეს ატომური ელექტროსადგურის კონტროლი. კელოგმა გამოთქვა რწმენა, რომ ამ ორი საკითხის მოგვარების შემდეგ „ყველაფერი დანარჩენი საკმაოდ კარგად მოგვარდება“.

მან ასევე უკრაინაში ომის მასშტაბები „უპრეცედენტოდ“ შეაფასა და გაიხსენა, რომ სსრკ ავღანეთიდან 18 000 ადამიანის დანაკარგის შემდეგ გავიდა, ხოლო აშშ ვიეტნამიდან დაახლოებით 58 000 ადამიანის დანაკარგის შემდეგ. კელოგის თქმით, რუსეთმა და უკრაინამ ამჟამად ორ მილიონზე მეტი დაკარგეს. „ეს საშინელი ციფრებია, ამიტომ კონფლიქტი უნდა დასრულდეს“, - აღნიშნა მან.

კელოგმა კიდევ ერთხელ გაიმეორა, რომ ომის დასასრული „ძალიან ახლოსაა“ და ახლა, მისი აზრით, უბრალოდ „დაველოდოთ და ვნახოთ“.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს