სტუდენტები 6 ოქტომბრის აქციას უერთდებიან. მათი მოთხოვნაა, რომ საერთაშორისო პარტნიორებმა ბოლომდე გამოიძიონ, თუ რა ნივთიერებას იყენებდა ქართული ოცნება 2024 წელს ანტისამთავრობო აქციების დასაშლელად.

დემოკრატიული ოპოზიციური პარტიების, სამოქალაქო საზოგადოების და სტუდენტების წარმომადგენლები შაბათს, 6 დეკემბერს, 19 საათზე, გამართავენ მსვლელობას ფილარმონიიდან რუსთაველამდე.

"ამ წლის 1 დეკემბერს BBC-მ ქართული ოცნების მორიგი დანაშაული ამხილა, გამოძიებამ გააჩინა ეჭვი, რომ სიტყვა ქართულს ამოფარებულმა რუსულმა ოცნებამ გასული წლის ნოემბერ-დეკემბერში აკრძალული ნივთიერები გამოიყენა აქციის მონაწილეების წინააღმდეგ, შემდეგ კი ისინი დააპატიმრა და წლობით გამოკეტა ციხეში.

ასევე რუსულმა მთავრობამ გაიმეტა სკოლის მოსწავლეები, შინაგან საქმეთა სამინისტროს თანამშრომლები და სხვა მოქალაქეები ტოქსიკური ნივთიერებებით დაბინძურებული გარემოსთვის. ირაკლი კობახიძე BBC-ს მატყუარებს ეძახის და ამბობს, რომ ყველაფერი "აბსურდია". მაგრამ, ერთი წლის შემდეგაც კი ვერ ბედავენ იმის ჩვენებას, თუ რეალურად რა გამოიყენეს აქციის მონაწილეების წინააღმდეგ, ეს კი ბუნებრივია, რადგან ქართული ოცნება სიმართლეს მალავს. ისინი ამბობენ, რომ ამ საკითხს გამოკვლევენ, მაგრამ დამნაშავე საკუთარ დანაშაულს არასდროს იძიებს.

ასევე BBC-ის ჟურნალისტურ გამოძიებაში მოყვანილი მტკიცებულებებისა და მმართველი პარტიის მხრიდან გაკეთებული ურთიერთგამომრიცხავი განცხადებები, პირდაპირი თავდასხმაა კრიტიკულ მედიაზე. ეს ყველაფერი ავტორიტარული პოლიტიკის ნათელი ნაბიჯებია და ჩვენ, სტუდენტები, სრული პასუხისმგებლობით ვამბობთ, რომ სანამ ქართული ოცნება არ დათმობს მიტაცებულ ხელისუფლებას და სანამ სამართალი არ აღდგება ამ ქვეყანაში ჩვენ არ დავნებდებით.

შაბათს, 6 დეკემბერს, 19 საათზე ვიკრიბებით ფილარმონიასთან, საიდანაც გადავინაცვლებთ პარლამენტის მიმართულებით და მოვითხოვთ საერთაშორისო პარტნიორებისგან ამ საკითხის ბოლომდე გამოძიებას!" - განაცხადეს სტუდენტებმა ბრიფინგზე.

ავტორი: ექსპრესნიუსი,

სოციალური ქსელები

რუსეთმა უკრაინაში ომამდელი შრომისუნარიანი მამრობითი სქესის მოსახლეობის 1% დაკარგა -The Economist

მერაბ დვალიშვილმა UFC-ში საჩემპიონო ქამარი დაკარგა, იგი რუს პიოტრ იანთან დამარცხდა

120 მილიონი ევროს ჯარიმის შემდეგ ილონ მასკმა ევროკავშირის დაშლისკენ მოუწოდა

კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან