ბელგიაში, ბრიუსელისა და ლიეჟის აეროპორტები 4 ნოემბრის საღამოს დრონების შესახებ ინფორმაციის გამო დაიხურა.

ბელგიის საჰაერო მოძრაობის კონტროლის წარმომადგენელმა, კურტ ვერვალიგენამ, განაცხადა, რომ ბრიუსელ-ზავენტემის აეროპორტთან ახლოს, ადგილობრივი დროით დაახლოებით საღამოს 8:00 საათზე, დრონი შენიშნეს. ლიეჟის აეროპორტიც, რომელიც ძირითადად სატვირთო ცენტრად გამოიყენება, ასევე დაიხურა.

ბრიუსელის აეროპორტმა ორი საათის შემდეგ განაახლა მუშაობა, მაგრამ მალევე კვლავ დაიხურა დრონების შესახებ დამატებითი ინფორმაციის გამო.

ბელგიური მაუწყებლის RTBF-ის ცნობით, აეროპორტების დახურვის გამო რამდენიმე ათეული რეისი გაუქმდა. ბრიუსელიდან ზოგიერთი რეისი გადაიდო და რამდენიმე თვითმფრინავი სხვა აეროპორტებში გადამისამართდა.

უსაფრთხოებისა და შინაგან საქმეთა მინისტრმა ბერნარ კვენტინმა ბელგიის პრემიერ-მინისტრ ბარტ დე ვევერს მოუწოდა, ქვეყნის ეროვნული უშიშროების საბჭოს საგანგებო სხდომა მოეწვია.

დრონების შესახებ ინფორმაციის გამო 2025 წლის შემოდგომაზე ევროპის სხვადასხვა ნაწილში, მათ შორის გერმანიაში, დანიაში, ლიეტუვასა და ნორვეგიაში, აეროპორტები დაიხურა. კონკრეტულად რომელ დრონებზეა საუბარი და ვინ შეიძლება იდგეს მათი განლაგების უკან, ოფიციალურად არ გამოცხადებულა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს