13 საათზე მეტი ხნის დებატების შემდეგ, სეიმის (ლათინური პარლამენტის) წევრთა უმრავლესობამ მეორე და საბოლოო მოსმენით მხარი დაუჭირა ქვეყნის გასვლას ქალთა მიმართ ძალადობისა და ოჯახში ძალადობის პრევენციისა და მასთან ბრძოლის შესახებ ევროპის საბჭოს კონვენციიდან, რომელიც უფრო ცნობილია, როგორც სტამბოლის კონვენცია, - იუწყება Delfi 

დოკუმენტი ოპოზიციონერი პარლამენტის წევრების და მმართველი კოალიციის ერთ-ერთი პარტიის, მწვანეთა და ფერმერთა კავშირის ხმებით იქნა მიღებული. გამოცემა აღნიშნავს, რომ თუ ლატვიის პრეზიდენტი ედგარს რინკევიჩი კანონს ხელს არ მოაწერს, შესაძლოა ეს პროცესის დასასრული არ იყოს. სახელმწიფოს მეთაურს გადაწყვეტილების მისაღებად 10 დღე აქვს; მას შეუძლია კანონი პარლამენტს დაუბრუნოს.

კონვენციიდან გასვლის მომხრეები მიიჩნევენ, რომ დოკუმენტი საზოგადოებას ყოფს და რომ ოჯახში ძალადობასთან ბრძოლა საერთაშორისო ხელშეკრულებების გარეშეც შეიძლება.

ერთი დღით ადრე, რიგაში, ლატვიის პარლამენტის შენობის წინ ათასობით ადამიანი შეიკრიბა სტამბოლის კონვენციის დენონსაციის გასაპროტესტებლად. დემონსტრანტებმა ხელისუფლება „რუსეთის კოპირებაში“ დაადანაშაულეს - მოსკოვმა სტამბოლის კონვენციას ხელი არ მოაწერა.

ლატვიამ მას 2016 წელს მოაწერა ხელი და 2024 წელს რატიფიცირება მოახდინა. 2011 წელს მიღებულ კონვენციას 39 ქვეყანამ მოაწერა ხელი.

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო