ქართული ოცნების ერთპარტიული პარლამენტის თავმჯდომარე შალვა პაპუაშვილი ენმ-ის წევრ იგორ ნარმანიას, რომელსაც გუშინ თავს დაესხნენ, აფერისტს უწოდებს, მასზე თავდასხმას კი - ფეიკს.

"მგონი ყველა დარწმუნდა, რომ ეს იყო ნახევარსაათიანი ფეიკი, რომელიც ნაცმოძრაობას სჩვევია ხოლმე. პირველადი მონაცემებით, გაირკვა რასთანაც იყო საქმე. თავად ნაცმოძრაობის ახალგაზრდულ აქტივისტებს ჰქონდათ კონფლიქტი, დაუპირისპირდნენ ეკლესიის წარმომადგენელს, როგორც ჩვენ გავარკვიეთ ამ წინასწარი მონაცემებით. ნაცმოძრაობის 20-მდე აქტივისტი იყო და ორი ახალგაზრდა გამოესარჩლა ეკლესიის წარმომადგენელს. ამის ნიადაგზე მოხდა კონფლიქტი. ახლა 20 ადამიანს 2 თუ მოერია, ნაცმოძრაობის საქმე ცუდად ვერ ყოფილა. რაც შეეხება იგორ ნარმანიას, ასეთი ახალგაზრდა და უკვე აფერისტი რომ არის ადამიანი, რა სპექტაკლებიც მან გუშინ დადგა, ეს აჩვენებს რას ნიშნავს ნაცობა. ასე რომ, ნაცობას ასაკი არ აქვს. ნარმანიას რაც შეეხება, ასეთი ახალგაზრდა და უკვე აფერისტი, ჩანს, რომ დიდი მომავალი აქვს ნაცმოძრაობის იდეოლოგიაში იმიტომ, რომ ასეთი ხალხია შემდეგ, რომელიც სააკაშვილის მოდელით იზრდება და ბოლოს ვიღებთ ხოლმე ისეთ ხალხს, როგორიც სააკაშვილი და მსგავსი არიან"- თქვა პაპუაშვილმა.

მეტეხის ხიდთან ახალგაზრდა აქტივისტებს თავს 3 ოქტომბერს დაესხნენ.

ადგილზე მყოფი ადამიანების განცხადებით, დაახლოებით, 7 ადამიანი აქტივისტებს სხვადასხვა ბლაგვი საგნით გაუსწორდა. 

აღნიშნულის შედეგად თავზე დაზიანებები მიიღეს "ნაციონალური მოძრაობის" წევრმა იგორ ნარმანიამ და კიდევ ერთმა არასრულწლოვანმა. 

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას