საქართველოს მეხუთე პრეზიდენტმა, სალომე ზურაბიშვილმა უკრაინას დამოუკიდებლობის დღე მიულოცა.

ზურაბიშვილის თქმით, ქართველებმა და უკრაინელებმა კარგად იციან დამოუკიდებლობის ფასი, ტერიტორიული მთლიანობის ფასი, სუვერენიტეტის ფასი.

მან განაცხადა, რომ უკრაინაში მშვიდობა იქნება და „ჩვენ ერთად გვექნება საერთო მომავალი ევროპაში“.

„ძვირფასო ვლადიმერ, ძვირფასო პრეზიდენტო ზელენსკი, ძვირფასო უკრაინელ მეგობრებო,

თქვენი ქვეყნის წინააღმდეგ რუსული აგრესიის შემდეგ, უკვე მესამედ გიგზავნით გულწრფელ მილოცვებს ქართველი ხალხის სახელით დამოუკიდებლობის დღესთან დაკავშირებით.

ჩვენ, ქართველებმა და თქვენ, უკრაინელებმა, კარგად ვიცით დამოუკიდებლობის ფასი, ტერიტორიული მთლიანობის ფასი, სუვერენიტეტის ფასი. ბოლო წლების განმავლობაში თქვენ მსოფლიოს დაუმტკიცეთ, თუ რას ნიშნავს თქვენი ტერიტორიის დაცვა, თქვენი დამოუკიდებლობისა და სუვერენიტეტის შენარჩუნება.

თქვენ მოახერხეთ მთელი ევროპის თქვენს გარშემო გაერთიანება და დარწმუნებული ვარ, რომ არა მხოლოდ აჩვენებთ, რომ ვერავინ დაიპყრობს უკრაინას ომით, არამედ აჩვენებთ, რომ ვერავინ დაიპყრობს უკრაინას მშვიდობიანი გზით.

თქვენ გექნებათ მშვიდობა, გექნებათ ქართველი ხალხის მხარდაჭერა, ჩვენ ერთად გვექნება საერთო მომავალი ევროპაში, ამაში დარწმუნებული ვარ და კიდევ ერთხელ მინდა მოგილოცოთ დამოუკიდებლობის დღე!“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა

ჰერჩინსკი - გრძელდება ანტი-ევროპული რიტორიკა, რომელიც კიდევ უფრო მეტად აზიანებს წლობით ნაშენებ მეგობრობას