აშკარაა, რომ ადრე თუ გვიან საქართველოს ევროპის საბჭოდან გარიცხვის საკითხი პოლიტიკურ დღის წესრიგში დადგებოდა - ის ფაქტი, რომ ეს საკითხი დღის წესრიგში დადგა, სერიოზული განგაშის სიგნალი უნდა იყოს საქართველოს ნებისმიერი მოქალაქისთვის იმის შესახებ, თუ სად მიჰყავთ ქვეყანას ივანიშვილი და მისი რუსული რეჟიმი, - განაცხადა „ლელო - ძლიერი საქართველოს“ ერთ-ერთმა ლიდერმა სალომე სამადაშვილიმ ევროპის საბჭოს საპარლამენტო ასამბლეის 51 დეპუტატის განცხადების საპასუხოდ.

„ევროპის საბჭო პირველი და უმნიშვნელოვანესი ევროპული ასოციაციაა, რომელსაც ჩვენ მრავალი წლის წინ შევუერთდით. ფაქტობრივად, აქედან დაიწყო საქართველომ გზა ევროკავშირის წევრობისა და ევროპული სივრცისკენ. დღეს ჩვენს ქვეყანას მართავს რეჟიმი, რომელიც რეალურად ვლადიმერ პუტინის რუსული რეჟიმის გაგრძელებაა საქართველოში, რასაც ადასტურებს, კერძოდ, ის ფაქტი, რომ ევროსაბჭოს არცერთი რეკომენდაცია და მოთხოვნა აქამდე არ შესრულებულა, პირიქით, ყველა ნაბიჯი საპირისპირო მიმართულებით გადაიდგა. ცხადია, რომ ადრე თუ გვიან საქართველოს ევროსაბჭოდან გარიცხვის საკითხი პოლიტიკურ დღის წესრიგში დადგებოდა. საბედნიეროდ, ეს მარტივი პროცედურა არ იქნება; განხილვას დიდი დრო დასჭირდება. ის ფაქტი, რომ ეს საკითხი დღის წესრიგში დადგა, სერიოზული განგაშის სიგნალი უნდა იყოს ნებისმიერი საქართველოს მოქალაქისთვის იმის შესახებ, თუ სად მიჰყავთ ქვეყანას ივანიშვილი და მისი რუსული რეჟიმი“, - აღნიშნა სამადაშვილმა.

ავტორი: ექსპრესნიუსი,

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა