კანადამ და მალტამ ოთხშაბათს განაცხადეს, რომ სექტემბერში გაეროს გენერალურ ასამბლეაზე პალესტინის სახელმწიფოს ოფიციალურად აღიარებას გეგმავენ, რითაც შეუერთდებიან საფრანგეთსა და დიდ ბრიტანეთს, რომლებმაც ადრე გამოაცხადეს თავიანთი განზრახვა.

პალესტინის სახელმწიფოდ აღიარება ევროპის მხრიდან ისრაელზე განახლებული ზეწოლის ფონზე მოხდა, რათა მან დაასრულოს დამანგრეველი ომი ღაზაში და შეაჩეროს დასახლებების გაფართოება დასავლეთ სანაპიროზე.

„ღაზაში ადამიანური ტანჯვის დონე აუტანელია“, - განაცხადა კანადის პრემიერ-მინისტრმა მარკ კარნიმ ოთხშაბათს, მთავრობის სხდომის შემდეგ, და ხაზი გაუსვა საერთაშორისო თანამშრომლობის აუცილებლობას რეგიონში ხანგრძლივი მშვიდობისა და სტაბილურობის უზრუნველსაყოფად.

„კანადა დიდი ხანია ერთგულია ორი სახელმწიფოს ხედვისა: დამოუკიდებელი, სიცოცხლისუნარიანი და სუვერენული პალესტინის სახელმწიფოს, რომელიც ისრაელის სახელმწიფოსთან ერთად მშვიდობიანად და უსაფრთხოდ იცხოვრებს“, - დასძინა მან.

სამაგიეროდ, კანადა პალესტინის მმართველობაში „ძალიან საჭირო რეფორმების“ გატარებას ითხოვს, მათ შორის 2026 წლის საყოველთაო არჩევნებს, რომელიც რადიკალურ ისლამისტურ დაჯგუფება „ჰამასს“ გამორიცხავს.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა