თიბისისა და „საქართველოს ლურჯი მოცვის მწარმოებელთა ასოციაციის” პარტნიორობით, ბათუმში საერთაშორისო მასშტაბის სემინარი ჩატარდა, რომელიც ლურჯი მოცვის წარმოებასა და მოსავლის აღების შემდგომ პროცესების სრულყოფილ მართვას ეხებოდა.

ღონისძიებაზე ასოციაციის წევრ კომპანიებს პრაქტიკული და თეორიული გამოცდილება გაუზიარეს მოწვეულმა სპიკერებმა ჩილედან, რომელიც ერთ-ერთი ლიდერი ქვეყანაა მსოფლიოში მოცვის წარმოებასა და მოსავლის აღების შემდგომ მენეჯმენტში:

• საერთაშორისო აგრონომი, სებასტიან ოჩოა, რომელიც ექსპორტიორებს 22 ქვეყანაში უწევს კონსულტაციებს;
• დოქტორი ლუის ლუხსინგერი, Cold chain მართვისა და ხილის შენახვის გლობალური ექსპერტი.

სემინარზე ისაუბრეს ისეთ მნიშვნელოვან საკითხებზე, როგორებიცაა: ნიადაგის მომზადება, მორწყვა და მოსავლის აღების ოპტიმიზაცია; Cold chain ტექნოლოგიები და ტრანსპორტირების სტანდარტები; ხარისხის გაუმჯობესება და ახალ საექსპორტო ბაზრებზე გასვლის სტრატეგიები.

მოცვის კულტურა საქართველოსთვის შედარებით ახალი, თუმცა სწრაფად მზარდი აგრარული მიმართულებაა: კენკროვანის ექსპორტმა 2024 წელს დაახლოებით 5 000 ტონა შეადგინა, რაც წინა წელთან შედარებით 44%-ით გაზრდილი მაჩვენებელია; ქვეყანაში მოცვის ბაღები უკვე 3 ათას ჰექტარზეა გაშენებული, მწარმოებლები კი ბაზრების დივერსიფიკაციასა და მაღალშემოსავლიან ქვეყნებში ექსპორტის გაფართოებაზე მუშაობენ.

თიბისისთვის, როგორც ბიზნესის #1 პარტნიორისთვის, სოფლის მეურნეობა ერთ-ერთი სტარტეგიული მიმართულებაა; სწორედ ამიტომ ბანკი მუდმივად ხელს უწყობს სექტორში ახალი ცოდნისა და მაღალი სტანდარტების დანერგვას. თიბისი აქტიურ ნაბიჯებს დგამს მოცვის, როგორც შედარებით ახალი კულტურის, განვითარებისთვის საქართველოში და ამ დროისთვის მხოლოდ კორპორატიულ სექტორში 300 ჰა-მდე ბაღები აქვს დაფინანსებული. საერთაშორისო სემინარებისა და მსგავსი პლატფორმების მხარდაჭერით კი თიბისი ცდილობს, ხელი შეუწყოს დარგის ახალ საფეხურზე გადასვლას, რაც საბოლოო ჯამში, ეკონომიკის ზრდას, რეგიონების გაძლიერებასა და სამუშაო ადგილების შექმნას უზრუნველყოფს.

ავტორი: R (რეკლამა),

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს