საქართველოს შემდეგ, გალტ & თაგარტი კაპიტალის ბაზრის მხარდაჭერის პროგრამას სომხეთში ახორციელებს. გალტ & თაგარტი, ევროპის რეკონსტრუქციისა და განვითარების ბანკისა (EBRD) და ევროკავშირის მხარდაჭერით, საკონსულტაციო კომპანია Ameria Management Advisory-თან ერთად, სომხეთში კაპიტალის ბაზრის განვითარების ხელშემწყობი პროგრამის იმპლემენტატორია. ინიციატივა სომხეთის ეკონომიკის სამინისტროსთან პარტნიორობით ხორციელდება.

პროგრამის მიზანია, კაპიტალის ბაზარზე კორპორატიული ემიტენტების აქტივობის ზრდის ხელშეწყობა, საჭირო ხარჯების თანადაფინანსებისა და კაპიტალის ბაზრებთან დაკავშირებული ცოდნის გაზიარების გზით.

პროექტის სტრატეგიულ მიზნებს შორისაა:

• საგანმანათლებლო მექანიზმის შემუშავება, რომელიც ხელს შეუწყობს კაპიტალის ბაზრების შესახებ ცნობიერების ამაღლებას;
• წამახალისებელი მექანიზმის შემუშავება, რომელიც შერჩეულ კომპანიებს კაპიტალის ბაზარზე წვდომაში დაეხმარება;
• თანადაფინანსების მექანიზმის დანერგვა: შერჩეული კომპანიებისთვის კაპიტალის ბაზარზე გასვლასთან დაკავშირებული ხარჯების თანადაფინანსება.

“გალტ & თაგარტისთვის საამაყოა, რომ გვაქვს შესაძლებლობა, რეგიონის მასშტაბით კაპიტალის ბაზრების განვითარებაში ჩვენი წვლილი შევიტანოთ. მსგავსი ინიციატივა უკვე წარმატებით დავნერგეთ საქართველოში და მოხარული ვართ, რომ ამჯერად გამოცდილებას სომხეთის ბაზარს ვუზიარებთ. ეს პროგრამა მნიშვნელოვანი წინგადადგმული ნაბიჯია სომხური კომპანიებისთვის, რათა გაზარდონ  საჭირო კაპიტალზე ხელმისაწვდომობა. გვჯერა, რომ მნიშვნელოვან წვლილს შევიტანთ სომხეთში კაპიტალის ბაზრის ეკოსისტემის გაძლიერებაში, რაც საბოლოოდ ქვეყანაში მდგრად ეკონომიკურ ზრდას შეუწყობს ხელს" - აცხადებს თამთა გორგაძე, გალტ & თაგარტის საკონსულტაციო სამსახურის უფროსი.

ავტორი: R (რეკლამა),

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას