ცხადია, რომ სირიას სანქციები მოეხსნა საუდის არაბეთსა და აშშ-ის შორის შეთანხმების შედეგად, ეს არ იყო შემთხვევითი და როგორც აშშ-ს, ასევე განსაკუთრებით არაბულ ქვეყნებს სურთ, რომ სირია განვითარდეს და სანქციების პირობებში ეს იყო შეუძლებელი, – ამის შესახებ „გირჩის“ წევრმა, ალექსანდრე რაქვიაშვილმა განაცხადა.

მისი თქმით, აღნიშნული ფაქტი არაფერ შუაშია დემოკრატიულ სტანდარტებთან.

„ეს არის კავშირში მოლოდინებთან, რომ ახლანდელი სირიის ხელმძღვანელობა შეძლებს რაღაც ადეკვატური წესრიგის აწყობას. ყველას ესმის, რომ რაც სირიაში ხდება არაფერი სახარბიელო ამაში არ არის, მაგრამ არც მანამდე იყო კარგი მდგომარეობა და უბრალოდ გაჩნდა იმედი, რომ შეიძლება პროგრესი იყოს. ამ პროგრესს რომ არ შეეშალოს ხელი, ამიტომ მოიხსნა სანქციები. საბედნიეროდ, ჩვენ არაფერ შუაში არ ვართ. ასეთი სანქციები ჩვენთვის არ იყო დაწესებული. სირიაზე არსებული სანქციები იმდენად მკაცრი იყო, რომ უბრალოდ ბლოკავდა სირიის განვითარებას და რამდენიმე „ქართული ოცნების“ დეპუტატს ამერიკაში არ უშვებენ და ვიზას არ აძლევენ, მგონი ეს არანაირად არ უშლის ხელს ჩვენს განვითარებას. „მეგობარი აქტიც“ არ ერევა პრეზიდენტის დისკრეციაში და ტრამპს შეუძლია ამ აქტის გარეშეც და გამოყენებითაც დააწესოს სანქცია. „მეგობარი აქტი“ არაფერს ცვლის სინამდვილეში. არ მგონია, რომ ჩვენ შეგვიძლია რაღაც დოზით საკუთარი თავი შევადაროთ სირიას, საბედნიეროდ. უბრალოდ სხვა პოლიტიკური გარემოებებისა და მოლოდინების შედეგია ის, რაც სირიაში ხდება“, – განაცხადა რაქვიაშვილმა.

ავტორი: ექსპრესნიუსი,

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ