|
2025-05-08 19:14:58, 1139 ნახვა
სამართალი
მზია ამაღლობელის საქმე - მოსამართლემ ნესტან ცეცხლაძე და ზვიად ქორიძე დარბაზიდან გააძევა
ბათუმის საქალაქო სასამართლოში, სადაც “ნეტგაზეთისა” და “ბათუმელების” დამფუძნებლის, მზია ამაღლობელის პროცესი მიმდინარეობს, ხმაური იყო. „ნეტგაზეთის“ მთავარმა რედაქტორმა ნესტან ცეცხლაძემ მოსამართლე ნინო სახელაშვილს „რუსეთის მონა“, ხოლო აჭარის პოლიციის დეპარტამენტის ბათუმის სამმართველოს უფროსს ირაკლი დგებუაძეს, რომელიც პროცესზე იკითხება, მოძალადე უწოდა. მოსამართლემ მოითხოვა, ცეცხლაძეს მანდატურებისთვის მისი პირადობის დამადასტურებელი მოწმობა გადაეცა, რაზეც ჟურნალისტი უარს აცხადებდა. მოსამართლე ნინო სახელაშვილმა ნესტან ცეცხლაძე სხდომის დარბაზიდან გააძევა. “ქალბატონო ნესტან, თქვენი მხრიდან განხორციელებული არაერთი დემონსტრაციული განცხადების გამო, არაერთი მოწოდების მიუხედავად, თქვენ დაარღვიეთ წესრიგი სხდომის დარბაზში, ხელი შემიშალეთ საქმის განხილვაში და არ დაემორჩილეთ არაერთგზის მოწოდებას, რომ შეჩერებულიყავით და არ გესაუბრათ. სასამართლომ იხელმძღვანელა საქართველოს სისხლის სამართლის კოდექსის 45-ე მუხლით და დაადგინა სხდომაზე დამსწრე მოქალაქე ნესტან ცეცხლაძე სასამართლო სხდომაზე წესრიგის დარღვევის, სხდომის თავმჯდომარის მოწოდების დაუმორჩილებლობის გამო, გაძევებული იქნას სასამართლოს დარბაზიდან”, - მიმართა მოსამართლემ ნესტან ცეცხლაძეს. სხდომა დაატოვებინეს მედიაექსპერტს ზვიად ქორიძესაც.
ექიმი - აფეთქებისას დაშავებული კაცის მდგომარეობა უმძიმესია, მართვით სუნთქვაზე იმყოფება
ევროკავშირის წარმომადგენლობა ფონიჭალაში მომხდარ ტრაგედიაზე მწუხარებას გამოთქვამს
მოლდოვას პარლამენტმა წინააღმდეგობის მიუხედავად, უკრაინასთან სამხედრო შეთანხმების რატიფიცირება მოახდინა
ზელენსკიმ ომის დასრულების შემდეგ უკრაინაში ამერიკული და ევროპული ჯარების განლაგება შესთავაზა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკიმ ომის დასრულების შემდეგ უკრაინაში ამერიკული და ევროპული ჯარების განლაგება შესთავაზა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



