საერთაშორისო ვაჭრობაში ჩართული ბიზნესის მხარდასაჭერად, საქართველოს ბანკის ორგანიზებით, ვორკშოპი „შუა კორიდორის ფუნქციონალი და შესაძლებლობები“ გაიმართა.

ვორკშოპზე იმპორტ-ექსპორტით დაინტერესებული ბიზნესისთვის, სატრანსპორტო და ლოგისტიკური კომპანიებისთვის სასარგებლო ინფორმაცია და მონაცემები განიხილეს Maersk-ის კავკასიისა და ცენტრალური აზიის რეგიონის ბიზნესის განვითარების ხელმძღვანელმა, ირაკლი დანელიამ და Hegelmann Multimodal Georgia-ს კორპორატიული გაყიდვების მენეჯერმა, სალომე დანელიამ.

შეხვედრა ტვირთის მიმოცვლის დროის შემცირებასა და შეღავათებს შეეხებოდა, რომელთა მიღება  საერთაშორისო ვაჭრობაში ჩართულ ადგილობრივ კომპანიებს შეუძლიათ.

ღონისძიებას 30-მდე ბიზნესის წარმომადგენელი დაესწრო. შეხვედრა ინტერაქციულ რეჟიმში წარიმართა. აღსანიშნავია, რომ ვორკშოპზე განიხილეს მრავალფეროვანი საკითხები, როგორებიცაა შუა კორიდორის შესაძლებლობები ქართული ბაზრისთვის; გლობალური მიწოდების ჯაჭვის ცვლილებები და მათი გავლენა შუა კორიდორის განვითარებაზე; შესაძლებლობები საერთაშორისო ვაჭრობაში ჩართული ბიზნესებისა და სატრანსპორტო ლოგისტიკური კომპანიებისთვის;  გლობალური მიწოდების ჯაჭვის ტრანსფორმაცია - კონტეინერიზაცია და სხვა.

ვორკშოპი საქართველოს ბანკის პლატფორმა ბიზნეს 360°-ის ღონისძიებების სერიის ფარგლებში გაიმართა.

„საქართველოს ბანკში ვაგრძელებთ ბიზნესის მხარდაჭერას მათთვის რელევანტური ინფორმაციისა და გამოცდილების გაზიარების გზით. ჩვენ მუდმივად ვიკვლევთ სხვადასხვა სექტორის საჭიროებებს, შემდეგ კი, ექსპერტების ჩართულობით, ვცდილობთ, მცირე და საშუალო ბიზნესს მნიშვნელოვანი მიგნებები და სასარგებლო ინფორმაცია რეგულარუად გავუზიაროთ. აღნიშნული ვორკშოპიც ბიზნეს 360°-ის შეხვედრების სერიის ერთ-ერთი ნაწილია და მოხარული ვართ, რომ ამ ღონისძიებებისადმი ინტერესი მუდმივად იზრდება. ამიტომაც, ჩვენ არ ვჩერდებით და მომავალშიც არაერთ საინტერესო შეხვედრას გავუწევთ ორგანიზებას“, - აცხადებენ საქართველოს ბანკში.

ინფორმაციისთვის, ბიზნეს 360° ციფრული პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.

ავტორი: R (რეკლამა),

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე