შინაგან საქმეთა სამინისტრო სოციალურ ქსელში გავრცელებულ ფოტომასალას, სადაც პარლამენტის მიმდებარე ტერიტორიაზე სისხლის კვალია აღბეჭდილი, განცხადებით გამოეხმაურა.

როგორც შსს განცხადებაში აღნიშნავს, გავრცელებული ინფორმაცია, რომ "დაკავების დროს აქციის რომელიმე მონაწილემ დაზიანება მიიღო სიცრუეა და არ შეესაბამება სიმართლეს".

შსს-ს თქმით, სისხლის კვალი ერთ-ერთ მამაკაცს ეკუთვნის, რომელსაც ფეხის არეში მიმდებარე ტერიტორიაზე მყოფმა მიუსაფარმა ძაღლმა უკბინა.

"გავრცელებული ინფორმაცია იმის შესახებ,  რომ დაკავების დროს აქციის რომელიმე მონაწილემ მიიღო დაზიანება არის სიცრუე და არ შეესაბამება სიმართლეს. 

რუსთაველის გამზირზე მამაკაცს ფეხის არეში უკბინა მიმდებარე ტერიტორიაზე მყოფმა მიუსაფარმა ძაღლმა, რის საფუძველზეც განუვითარდა ძლიერი სისხლდენა. აღნიშნული პიროვნება სასწრაფო სამედიცინო დახმარების მანქანის მიერ გადაყვანილია სამედიცინო დაწესებულებაში, მისი მდგომარეობა სტაბილურია". - წერია განცხადებაში.

აღნიშნული ვიდეოს გავრცელების შემდეგ, მოქალაქეები სოციალურ ქსელში წერდნენ, რომ სისხლის კვალი ერთ-ერთ დაკავებულს, თაზო კვესელავას ეკუთვნოდა.

თაზო კვესელავა დააკავესსისხლის კვალი პარლამენტიდან პოლიციის მანქანამდეა თაზო საავადმყოფოშია გადაყვანილი ძალიან მაგარი ბიჭია და აუცილებლად მაგრად იქნება - წერს აქტივისტი ქეთი ხომერიკი.

"ექსპრესნიუსის" ინფორმაციით, სამედიცინო დახმარებუს შემდეგ თაზო კვესელავა ზაჰესის იზოლაყორში გადაიყვანეს.

ავტორი: ექსპრესნიუსი,

სოციალური ქსელები

პენტაგონმა ამერიკელი ჯარების ევროპიდან დასავლეთ ნახევარსფეროში გადაყვანის ნებართვა გასცა

ანი წითლიძე- რაც არ უნდა ისაუბრონ რუსმა ქოცებმა თუ სკეპტიკოსებმა, 4 ოქტომბერი იყო ბრძოლის, წინააღმდეგობის და ქართველი ხალხის ერთობის დღე

პაპუასშვილი -დღეს 4 ოქტომბერია, როდესაც საქართველოს დამხობა სცადეს და თავად დაემხნენ

ლატვიის არჩევნები: პრემიერ-მინისტრის ბლოკმა ადგილების უმეტესობა მოიპოვა, პრორუსული პარტიები ისტორიას ბარდება