არასერიოზულია, რომ ადამიანი, რომელსაც თავი ამ ქვეყნის პრემიერ-მინისტრი ჰგონია, რაღაც „ღრმა ქვეყნისა“ თუ „შიდა ქვეყნის“ დამარცხებაზე საუბრობს - ყველაფერი „ოცნების“ ხელშია, რომ გონს მოეგონ, ნუ შეუყენებენ წყალს საკუთარ სახელმწიფოს, - ამის შესახებ „საერთაშორისო გამჭვირვალობა-საქართველოს“ ხელმძღვანელმა, ეკა გიგაურმა განაცხადა.

მისი თქმით, ამერიკის შეერთებული შტატები ურთიერთობას მხოლოდ იმ ქვეყნებთან ამყარებს, სადაც დემოკრატია და კანონის უზენაესობა არსებობს.

„ეს ადამიანები [„ქართული ოცნების“ წევრები] სპეციალურად არ თარგმნიან ამ ტერმინს - „დიფ სთეითს“, რადგან ეს რომ გადაითარგმნოს აბსურდული იქნება. ისინი „ღრმა ქვეყნის“ დამარცხებაზე საუბრობენ. არასერიოზულია, რომ ადამიანი, რომელსაც თავი ამ ქვეყნის პრემიერ-მინისტრი ჰგონია, რაღაც „ღრმა ქვეყნისა“ თუ „შიდა ქვეყნის“ დამარცხებაზე საუბრობს.

რაც შეეხება აშშ-სა და საქართველოს ურთიერთობას, ჩვენს ამერიკელ პარტნიორებს ჩვენი ქვეყნის მიმართ ერთნაირი დამოკიდებულება აქვთ. ისინი მხოლოდ დემოკრატიულ ქვეყნებთან ურთიერთობენ. დემოკრატია, კანონის უზენაესობა მათთვის მნიშვნელოვანია. ყველა ადმინისტრაცია საქართველოს მთავრობას ესაუბრება, რომ საქართველოში სამართლიანი და თავისუფალი სასამართლო სისტემა იყოს, რომ თავისუფალი არჩევნები ტარდებოდეს, რომ ადამიანის უფლებები დაცული იყოს და ოპონენტებს, მედიებსა და არასამთავრობო ორგანიზაციებს არ ერჩოდნენ. ყველაფერი „ოცნების“ ხელშია, რომ გონს მოეგონ, ნუ შეუყენებენ წყალს საკუთარ სახელმწიფოს. ამიტომ, რომელი ადმინისტრაციაც არ უნდა იყოს აშშ-ში, სანამ საქართველოში პრობლემები არ მოგვარდება, მათ მსგავსი დამოკიდებულება ექნებათ“, - განაცხადა ეკა გიგაურმა.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა