საგარეო და უსაფრთხოების საკითხებში ევროპული კომისიის პრესსპიკერის, ანიტა ჰიპერის თქმით, ევროკავშირმა საქართველოს სამოქალაქო საზოგადოებისთვის დამატებით 15 მილიონი ევროს ღირებულების დაფინანსება გამოყო. 

ამის შესახებ პრესსპიკერმა ევროკომისიის ოფიციალურ პრესბრიფინგზე ინტერპრესნიუსის კორესპონდენტის შეკითხვის საპასუხოდ განაცხადა. 

ჰიპერმა ასევე აღნიშნა, რომ ივანიშვილის მთავრობისთვის 2024 წელს გაყინული დახმარების აღდგენას ევროკომისია არც 2025 წელს გეგმავს. 

"პირველ რიგში, ჩვენ ხელისუფლებასთან პოლიტიკური კონტაქტები გავწყვიტეთ. შემდეგ, ჩვენ საქართველოს ხელისუფლებას 120 მილიონ ევროზე მეტი ღირებულების პირდაპირი დახმარება შევუჩერეთ. ჩვენ ევროპის სამშვიდობო მექანიზმის საშუალებით ასევე გავყინეთ 2024 წლისთვის გათვლილი 30-მილიონიანი დახმარება და არც 2025 წლისთვის ვგეგმავთ რაიმე დახმარებას. 

რაც შეეხება სამოქალაქო საზოგადოებას, ჩვენ ამ კუთხით მხარდაჭერას ვზრდით - როგორც სამოქალაქო საზოგადოებისთვის, ისე დამოუკიდებელი მედიისთვის. უკვე არსებული დახმარების გარდა, ჩვენ დამატებით 15 მილიონი გამოვყავით სამოქალაქო საზოგადოებისთვის". - განაცხადა პრესსპიკერმა. 

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა