|
2025-03-18 15:06:43, 762 ნახვა
სამართალი
მოსამართლემ მის აცილებაზე ამაღლობელის ადვოკატების შუამდგომლობა არ დააკმაყოფილა
ბათუმის საქალაქო სასამართლოში ბათუმელებისა და ნეტგაზეთის დამფუძნებლის, მზია ამაღლობელის საქმეზე არსებითი განხილვის პირველი სხდომა მიმდინარეობს. საქმეს ლიტვის, ლატვიისა და ესტონეთის მიერ სანქცირებული მოსამართლე ნინო სახელაშვილი განიხილავს. დღევანდელ სხდომაზე, ამაღლობელის ადვოკატმა ნინო სახელაშვილის აცილების შუამდგომლობა დააყენა. დაცვის მხარის განცხადებით, მოსამართლე ვერ აკმაყოფილებს ობიექტურობის და მიუკერძოებლობის პრინციპს, ასევე ევროკავშირის რამდენიმე ქვეყნის მიერ სანქცირებულია ადამიანის უფლებების დარღვევის გამო. გარდა ამისა, მისი განათლება ვერ აკმაყოფილებს მოსამართლის თანამდებობაზე დანიშვნის კრიტერიუმებს. სახელაშვილს არ აქვს კვალიფიკაცია სისხლის სამართლის მიმართულებით. მოსამართლე სახელაშვილმა მისი აცილების შუამდგომლობა არ დააკმაყოფილა. სახელაშვილის განცხადებით, მას მართლაც არ აქვს ჩაბარებული გამოცდა სისხლის სამართლის სპეციალიზაციით, თუმცა არ არსებობს კანონის ნორმა, რომელსაც მსგავსი მოთხოვნა აქვს. რაც შეეხება მოსამართლის მიუკერძოებლობას, სახელაშვილის თქმით, მიუკერძოებლობის საფუძველი ვერ იქნება, რომ ამ სასამართლოს შემადგენლობამ მზია ამაღლობელი პატირმობაში დატოვა. მისი თქმით, ამისვე დასტურია, რომ შემდეგმა ინსტანციამაც მისი გადაწყვეტილება გაიზიარა. რაც შეეხება სანქცირებას, ის არ შეიძლება იყოს აცილების საფუძველი. მოსამართლის განცხადების პასუხად, დაცვის მხარემ სახელაშვილს კიდევ ერთხელ განუმარტა, რომ მიკერძოებულ მოსამართლედ აღიქვამენ, არა იმის გამო, რომ მზია ამაღლობელის საქმეზე აღკვეთის ღონისძიების სახით პატიმრობა გამოიყენა, არამედ იმიტომ, რომ კონკრეტიკის და არგუმენტაციის გარეშე გაიზიარეთ პროკურატურის შუამდგომლობები.
ჩეხეთის საელჩო – ამ მძიმე წუთებში ვიზიარებთ ქართველი ხალხის ტკივილს და მათ გვერდით ვდგავართ
საფრანგეთის საელჩო – სამძიმარს ვუცხადებთ ფონიჭალაში ტრაგიკული აფეთქების შედეგად დაღუპულთა ოჯახებსა და ახლობლებს
ბრიტანეთის საელჩო- ღრმა მწუხარებას გამოვთქვამთ ფონიჭალაში მომხდარი ტრაგედიის გამო
ნანგრევებიდან ამოყვანილი 11 წლის ბიჭის და 4 წლამდე გოგონას ჯანმრთელობის მდგომარეობა დამაკმაყოფილებელია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკიმ ომის დასრულების შემდეგ უკრაინაში ამერიკული და ევროპული ჯარების განლაგება შესთავაზა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



