თეატრალური უნივერსიტეტის სტუდენტური მოძრაობა სოციალურ ქსელში განცხადებას ავრცელებს და წერს, რომ პროტესტში მყოფი სტუდენტების ნაწილს, სტუდენტის სტატუსი შეუწყვიტეს.

,,პროტესტში მყოფი სტუდენტების ნაწილს, სტატუსი შეგვიწყვიტეს" - წერს მოძრაობა.

შეგახსენებთ, შოთა რუსთაველის სახელობის თეატრალურ უნივერსიტეტში პოლიცია გუშინ, 9 მარტს სამჯერ მივიდა. მათ ჯერ სტუდენტები დააჯარიმეს, შემდეგ კი ტერიტორიის დატოვება მოსთხოვეს. ადვოკატმა გუჯა ავსაჯანიშვილის თქმით, სტუდენტების დაკავების საფრთხე იყო, ამიტომ მათ გადაწყვიტეს, რომ პროტესტი სხვა მიმართულებით გააძლიერონ.

პოლიცია სტუდენტებს ჯარიმებს ადმინისტრაციულ კოდექსში შეტანილი იმ ცვლილების საფუძველზე უწერდა, რომლითაც დახურულ სივრცეში მესაკუთრის ნებართვის გარეშე აქციის ჩატარება აიკრძალა. შეკრების კანონის მე-9 და მე-11 მუხლის დარღვევა 5000-ლარიან ჯარიმას ითვალისწინებს.

თეატრალურ უნივერსიტეტში სტუდენტთა ნაწილი, პროტესტის ნიშნად, 80 დღეზე მეტია ღამეს უნივერსიტეტის შენობაში ათევდა. ისინი ხელახალი არჩევნების დანიშვნას, აქციაზე უკანონოდ დაკავებული მოქალაქეების გათავისუფლებას და თეატრალური უნივერსიტეტის რექტორის გადადგომას ითხოვდნენ.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა